Adele u bë virale në rrjetet sociale pasi këndoi në Mynih të Gjemanisë përpara më shumë se 75 mijë admirueseve të muzikës së saj disa nga hitet më të mira. Këngët "Hello", "Set Fire to the Rain" apo "Skyfall" ishin vetëm disa nga super hitet që emocionuan jo pak njerëzit në qendrën “Messe München”, e transformuar plotësisht në një arenë muzikore.
Gjatë performancës muzikore, Adele pati edhe disa momente reflektimi mbi karrierën dhe këngët që i ndryshuan jetën, mes tyre ajo më e rëndësishmja me titull "Someone Like You".
“E shkrova në një moment të jetës sime kur isha në gjendjen më të keqe që kam qenë ndonjëherë,” tha ajo në një video që është publikuar nga fansat në platformën X (ish-Twitter).
“Do doja që dikush të më kishte thënë kur isha 21 vjeçe që njerëzit do ta këndonin një ditë këtë këngë timen.”
Adele about "Someone Like You" last night in Munich
— Adele Charts (@AdeIeChart) August 4, 2024
"This song changed my life, I wrote it at a time in my life when I was at the lowest I've ever been. I wish someone would've told me that when I was 21, that people are going to sing this song someday." pic.twitter.com/U7YDL75kK8
E publikuar në vitin 2011, "Someone Like You" është hiti i dytë i albumit të dytë të Adele. Kënga e njohur kryesoi listat e renditjeve të hiteve më të mira në Shtetet e Bashkuara dhe Mbretërinë e Bashkuar, ndërsa njëherësh, ky sukses i dha këngëtares një Grammy për performancën më të mirë në zhanrin solo pop.
Duke folur për “The Guardian” në vitin 2015, Adele zbuloi se "Someone Like You" ishte një këngë emocionuese që i dha goxha sukses në fillimet e karrierës së saj muzikore. “Unë mund ta ndjeja këtë zhurmë dhe sukses të madh. Thjesht, e dija se gjëra të bukura do të vinin në karrierën time,” përfundoi ajo.
Artikuj të sugjeruar:
Burimi: Vogue
