Bëni edhe ju pjesë te njerëzit që e kanë të vështirë të thonë "jo"? Në një botë që shpesh inkurajon fuqinë e të thënit "po", është e rëndësishme të kujtojmë se të thuash "jo" mund të jetë po aq e rëndësishme. Të dish kur të refuzosh përgjegjësi të caktuara mund të ndihmojë në ruajtjen e kufijve të tu, mbrojtjen e shëndetit mendor dhe qëndrimin besnik ndaj vlerave të tua. Ja pesë skenarë ku një "jo" e prerë është jo vetëm e pranueshme, por edhe e domosdosshme.
Kur diçka është kundër vlerave tuaja
Qëndrimi besnik ndaj parimeve tuaja është thelbësor. Nëse një situatë apo kërkesë bie ndesh me besimet tuaja thelbësore, të thuash jo ruan integritetin tuaj.
Kur jeni të mbingarkuar
Angazhimet e tepërta mund të çojnë në konsumim mendor, mungesë energjie - që rrjedhimisht ndikon edhe në socializimin tuaj. Të thoni “jo” kur keni shumë ngarkesë ndihmon në ruajtjen e ekuilibrit të shëndetshëm punë-jetë dhe produktivitetit.
Kur një kërkesë është e paarsyeshme
Disa kërkesa janë thjesht shumë të ekzagjeruara ose joreale. Mbroni kohën dhe energjinë tuaj duke refuzuar kërkesa të tilla.
Kur duhet të kujdeseni për veten
Ta keni mirëqenien tuaj prioritet është thelbësore. T’i thoni “jo” aktivteteve që do të ndikojnë më tej në shëndetin mendor dhe fizik, është shumë e domosdoshme.
Kur përgjegjësia është e dikujt tjetër
Mos merrni përsipër detyra që duhet t'i trajtojnë të tjerët. Nëse ju do të ishit në një situatë të ngjashme, a do i merrte dikush tjetër përsipër përgjegjësitë për ju? Përqendrohuni te përgjegjësitë tuaja, duke thënë “jo”.
Artikuj të sugjeruar:
