Nëse ke vendosur të mos dalësh nga shtëpia, mund ta takosh atë edhe mes 4 muresh, madje mund të organizosh një super takim që do krijojë kujtimet më të bukura për të dy ju.

Mes 100 mënyrash që mund t’i gjesh edhe vetë me pak kreativitet, ne kemi zgjedhur 5 të thjeshta që nund t’i realizojë kushdo, në çdo fazë romantike të raportit.

Vendosni të luani një lojë bashkë: Ky mund të jetë një opsion shumë i mirë kur ke ngecur në shtëpi. Mund të zgjidhni diçka që mendoni se e bën mbrëmjen argëtuese.

Shikoni një film bashkë: Kjo është klasike dhe jo pa arsye. Disa përqafime, një film, ca kokoshka dhe një bisedë e bukur rreth filmit, e bëjnë çdo mbrëmje perfekte.

Planifiko një piknik në ambiente shtëpie: Shtro një mbulesë në mes të dhomës së pritjes dhe bëj gati ca ushqime të shpejta. Ndiz dhe pak muzikë në sfond për t’i shtuar mbrëmjes romanticitet.

Organizo shijimin e verave të ndryshme në shtëpi: Ka më mirë se të pish alkool të mirë në kushte shtëpie me atë që do më shumë?

Planifiko një mbrëmje pa teknologji: Kushti i vetëm është të mos ketë pajisje teknologjike që ju largojnë mendjen nga njëri-tjetri. Kushtojani kohën njohjes së partnerit në nivel më emocional dhe të thellë.