Këngëtari i preferuar i të gjithëve në vitet 2000, R Kelly, është gjendur sërish nën një vërshim akuzash. Kësaj here ai akuzohet se u ka shpëlarë trutë një sërë vajzash dhe grash dhe i ka implikuar ato në një “kult”, siç e quajnë prindërit e tyre.
Hetimi nga Buzzfeed News doli në përfundimin se që nga vera e 2016-ës, të paktën pesë gra të përfshira në skemën e R Kelly-t, ku dy prej tyre ishin ende adoleshente. Familjet e vajzave e përshkruajnë këngëtarin si një person shumë kontrollues që u dikton atyre si të vishen dhe si të sillen. Sipas dëshmive: “Vajzat duhet të kërkonjnë ushqim, duhet të kërkojnë leje për përdorur tualetin. Kelly është mjeshtër në kontrollin e mendjes. I trajton si kukulla”.
Akuzat drejt tij thonë se Kelly u konfiskon celularët vajzave, i filmon gjatë aktiviteteve seksuale për t’ua treguar miqve të tij dhe u kërkon vajzave ta thërrasin “daddy” (babush). Ai i mban në dhoma të marra me qera në Chicago dhe Atlanta dhe ato nuk mund të dalin nga dhomat e tyre pa marrë leje.
Nëna e një prej vajzave që jeton me Kelly-n, foli për herën e fundit që e takoi të bijën, në dhjetor të 2016-ës: “Ishte sikur t’i kishte shpëlarë trutë. Dukej si e burgosur. Ishte e tmerrshme. E përqafova disa herë, por ajo vazhdonte të thoshte se është e dashuruar dhe se Kelly është i vetmi që e do dhe që kujdeset për të”.
Persona afër këngëtarit kanë pohuar për incidente të ngjashme. “Ai e la një prej vajzave në një autobus turi për rreth tre ditë dhe nuk e lejonte të dilte. E dënoi sepse s’kishte bërë detyrat e shtëpisë. Gjë që s’ka sens sepse ajo ishte diplomuar pak muaj më parë”.
Avokatët e Kelly-t kanë mohuar çdo akuzë dhe kërkojnë që të respektohet jeta personale e këngëtarit. Edhe nëse aktiviteti i tij nuk është kriminal, reputacioni i tij do të marrë një tjetër goditje, pas akuzave për posedim pornografie pedofilike në 2008-ën.
