Javën e kaluar, kryeqendra e debateve online kishte vetëm një emër: Renato Mekolli a.k.a shefi më i egër që na kanë zënë sytë. Gjithçka, që nisi me promon dramatike të emisionit, vazhdoi me kritikën e ashpër të Zonjës Tefta, u mbyll me mendimin e Olti Currit dhe shumë të tjerëve, të cilët thonë se “njerëzit s’kanë bukë të hanë dhe fajin s’e ka Renato Mekolli.” Megjithatë me një naivitet fëmije prisnim një reagim të Renatos, për të “iluminuar” masën mbi natyrën e programit dhe jo vetëm. Asgjë nuk ndodhi, kështu që pëlqejeni ose jo: Renato do të vazhdojë të jetë Ferri i kuzhinierëve të rinj të programit.
Promoja dhe emisioni “Hell’s Kitchen” janë kurioziteti ynë i radhës. Ja çfarë pritet të ndodhë në puntatën e radhës, po aq dramatike sa e para.
-Teksa “engjëjt e vegjël” flenë të qetë, dikush nis edhe bërtet “Çohuni shpejt! Shpejt”. Po, ai që keni ju në mendje.
- Nëse nuk ka delikatesë, pasion në kuzhinë, situata nis edhe tensionohet...
- Ushqim në kosh? Po, sigurisht!
