Kohët e fundit duket sikur gjërat janë përmbysur. Dikur flisnim për Norën dhe diku përmendim Robertin, bashkëshortin. Madje, në një pikë, Robertit i erdhi në majë të hundës pse e njihnin masivisht si “burri i Norës”. Tani, shkruajmë përafërsisht një herë në javë për Robertin dhe tek-tuk për Norën. Prandaj, sot – edhe pse pak me vonesë – i japim titullin “Mjeshtre e Kostumeve”. (Titulli nuk ekziston kund, por duhet krijuar vetëm për Norën.)
Dje, ajo postoi dy foto ku deklaroi se “e zeza e bën të lumtur”. Ne na bëri të lumtur kostumi i saj. Janë thjesht një palë pantallona të zeza dhe një xhaketë veshur si bluzë, por Norës i rri aq mirë sa s’mund të flisnim për të.
Nuk i shpëtoi printit i gjarpërit, që është trendi fitimtar i këtij viti. E gjeni në bluza, pantallona, çanta, këpucë. Nora zgjodhi një tjetër kostum, kombinuar minimalisht me vathë dhe byrzylyk të artë.
View this post on Instagram
Që të veshësh kostume shpesh dhe të mos bëhesh monotone, duhet të kesh aftësinë të dukesh mirë në versione të ndryshme. Provë është kjo dyshe jelek – pantallona oversize me një bluzë të shkurtër që mund të quhet reçipetë. Sekreti qëndron te variacioni!
Të njëjën gjë mund të themi për këtë look ngjyrë ulliri e mbytur. Detajet e rripave zig-zag në anë të pantallonave, gjatësia e mëngëve, lidhëset korse në xhaketë dhe këpucët me takë çakmak nga Vetements i japin jetë kostumit që në të kundërt s’do të binte në sy fare.
Smund të mos përmendim këtë veshje ikonike nga intervista e Norës për Prive në prill të këtij viti. Gjithçka e bardhë me përjashtim të çantës Chanel 2.55 Classic Flap Bag 2.55 që meriton çdo grimcë të vëmendjes sonë.
View this post on Instagram
Nora Istrefi, "Mjeshtre e Kostumeve"!
