Viola Gjoleka u ul në kolltukun shumëngjyrësh të “Pop Culture” për të sqaruar së pari në Ledia dhe ajo janë i njëjti njeri. Nuk janë, por ngjajnë goxha. Ndër çështje si a e merr autobuzin dhe a di të tërhollë byrek, Viola foli edhe për televizionin sepse do të ishte çudi që një person sado i famshëm të mos pyetej në do të kredhë këmbët në ekranin e vogël.
“Nuk e di. Nuk ka qenë objektivi im. Nuk e di si do të vijë jeta, mundësitë, ofertat."
"Unë kurrë nuk bëj plane. Nuk e dija që do ndodhte Hosteli. Nuk kam pasur kurrë objektiva shumë të qartë për veten time dhe më vjen mirë se më ka ecur deri tani. Edhe të ardhmen, të shkojë si të shkojë. Nuk kam bërë plane. Nuk e kam televizionin një nga ëndrrat e mia, nuk them se dua të jem pjesë patjetër, por jetës s’i dihet,” tha ajo.
“E vlerësoj shumë televizionin, i vlerësoj shumë njerëzit që punojnë në televizion, sepse këto kohë që kur jemi përfshirë vetë me xhirime, grim, veshje, mendoj që është shumë i lodhshëm e impenjativ që nuk do t’ia dijë fare për humorin tënd. Puna në zyrë është shumë komode në njëfarë mënyre. Mund të kesh lodhjen, stresin, s’të dolën llogaritë. Kurse kjo puna e televizionit ka shumë lodhje nga mbrapa dhe këto vajzat e vogla që shkruajnë e që kanë ëndërr, nuk e kuptojnë. E rëndësishme është ta kesh ëndërr.”
Po Viola si shikuese, ç’mendon për televizionin?
“Më duken pak të mërzitshëm emisionet shqiptare. Ka disa emisione që më pëlqejnë shumë. Ka ca emisione që më mërzisin pafund, nuk i shtyj dot.”
Do ta pyesim të hënën cilat janë këto emisione dhe nuk do t’ju themi.
