Ka shumë arsye pse Dakota Johnson është nga ato vajza që nuk lodhesh duke e parë: ka sens humori, stil të përkryer dhe flokë që gjithmonë duken të kuruara. Çdo paraqitje e saj është unike, me një grim që i thekson bukur tiparet dhe i përshtatet natyrshëm karakterit të saj.
Një nga elementët që bie menjëherë në sy janë qerpikët e saj të gjatë, voluminozë dhe me një efekt që i bën të duken sikur janë fallco, por jo.
Dakota nuk përdor qerpikë artificialë apo ndonjë serum të shtrenjtë, por vetëm një truk të thjeshtë, të mësuar nga gjyshja e saj, Tippi Hedren.
“Ajo më pa një herë duke vendosur rimel dhe më tha që ta ulja pasqyrën dhe të aplikoja produktin, teksa shikoja poshtë. Kështu, produkti përhapet nga rrënjët deri te majat dhe kishte plotësisht të drejtë,” – tregoi Dakota në një intervistë.
Ky truk i lehtë, por efektiv me pasqyrën funksionon vërtet. Nëse doni qerpikë që duken më të gjatë dhe më të plotë, provojeni herën tjetër që vendosni rimel dhe mund të surprizoheni nga rezultati!
Artikuj të sugjeruar:
