Pupla? Në verë? Gjithçka duket Ok kur mendon për një çantë Loeffler Randall, por ja që puplat nuk janë vetëm për çanta.

Loeffler Randall

Në shfaqjet e fundit të modës në Paris dhe jo vetëm, figura si Céline Dion, Gilda Ambrosio dhe blogerë të njohur, ranë në sy për shkak të veshjes me pupla.

Céline Dion

Gilda Ambrosio

Në koleksionin Pranverë-Verë 2019 nga Valentino, një rëndësi e veçantë iu kushtua pikërisht këtij detaji.

Pranverë-Verë 2019 / Valentino

Në fakt, që në fillim të vitit, u vu re se puplat do të zëvendësonin tylin e famshëm të një viti më parë, element ky që u kthye në të preferuarin e vajzave të famshme shqiptare. Për shembull, dizajneri Valdrin Sahiti e vendosi në fillim në fustanin e gjelbër të së bijës.

Nëpër koncerte dhe së fundmi në klip, Elvana zëvendësoi fustanet voluminozë me tyl me fruda me puplat.

Si gjithmonë, për veshjet e saj u kujdes Valdrin Sahiti.

Në një sasi më minimaliste, edhe Nora Istrefi i bëri pjesë të garderobës së saj.

E motra, Era Istrefi, zgjodhi puplat në ngjyrë pjepri për të festuar 25-vjetorin.

Megi Pojani preferoi një model më voluminoz,

ndërsa Deamishel  në “Pop Culture” zgjodhi një bluzë pa mëngë të mbuluar me pupla në nuancën rozë-magenta.

E mbyllim me Kidën, e cila në koncertin e Digitalb u paraqit me një veshje fund+xhaketë xhins, të shoqëruar me pupla lejla pudër në disa pjesë.