Nuk është hera e parë që dëgjojmë të flitet për përndjekje të fytyrave publike nga të panjohur, por për herë të parë Gerta Heta ka pranuar se ka qenë ‘viktimë’ e një ndjekjes sistematike nga një i panjohur.
“Shumë e frikshme ka qenë, deri në polici kam shkuar për të denoncuar një ‘stalker’ timin,”- pranoi moderatorja në intervistën e saj për INtv. “U bë aq i bezdisshëm sa shkoi deri tek dera e prindërve të mi, numrat e telefonit i gjeti të gjithë, por gjeti dhe adresën e prindërve të mi. Unë nuk jetoja me prindërit atëherë dhe i tha: ‘Unë jam burri i ardhshëm i vajzës tuaj.’ Kishte shkuar me amareta,”- vijoi Gerta që në atë kohë ishte e lidhur me bashkëshortin aktual.
“Unë kisha marrëdhënien time me Matkon në atë kohë, isha me barrë dhe më priste poshtë tek puna. ‘Qyqa çuno po unë jam me barrë me dikë tjetër, çfarë burri i jetës time je ti.’ 'Jo po ti e ke tollumbace atë'. Nuk e besonte që isha shtatzënë, ishte në botën e vet, derisa u tremba dhe shkova e denoncova në polici. Vazhdoi dhe një muaj me mesazhe ‘ti je krijesa më e bukur që ekziston’, dhe një ditë të bukur, kur unë isha bërë mami, u zhduk,”- përfundoi Heta, ndërsa pranoi se ishte një rast sa i çuditshëm aq edhe shqetësues për të, që fatmirësisht i takon së shkuarës.
