A mund të jetë vërtetë gjallë Tupac Shakur? David Myers, i cili është në gjendje kritike shëndetësore në një spital, thotë se po! Ai pretendon se është paguar 1.500.000 dollarë për të mbajtur versionin se Tupac ka vdekur. Reperi dyshohet se u vra kur u qëllua me plumba gjatë lëvizjes me makinë në vitin 1996. Oficeri thotë se ai dhe afro 20 persona të tjerë ndihmuan reperin të ‘falsifikonte’ vdekjen e tij!
Tupac ose 2Pac, ishte reperi më i talentuar i brezit të tij. Jo vetëm që ai ishte i shkëlqyer në muzikë, por kishte edhe një karrierë premtuese në aktrim.
Myers tha: "Bota duhet të dijë se çfarë kam bërë. Më vjen turp që unë lejova që një çmim të kontrollonte fjalën time dhe unë nuk mund të vdes pa u siguruar që bota ta dijë." Ai madje pretendon se Suge Knight, i cili është aktualisht në burg në pritje të gjykimit për vrasje, ka luajtur një rol të madh për të ndihmuar këtë skenar dhe se 2Pac pagoi 50.000 dollarë për një trup të dyfishtë që do të dërgohej në morg.
Vdekja e Tupac ende mbetet një mister ndërsa policia ende nuk e di se kush ka qëlluar të shtënat fatale. Gjatë viteve ka pasur teori të shumta konspirative se ai është ende gjallë, e nëse kjo është e vërtetë, reperi sot do të jetë 44 vjeç.
Përshtati: Ermira Leshi
Burimi: dailyrecord.co.uk
