Siç u kuptua edhe nga spoti që shkaktoi jo pak polemika,“Shiko kush luan” fillon këtë të shtunë. Nën autorësinë e plotë të Luana Vjollcës, edhe ky sezon vjen sërish në dy skuadra, blu dhe të kuqe, por në krye të tyre do të jetë Florian Binaj dhe Adi Pojana.
Një tjetër risi e këtij sezoni është që çdo puntatë do të ketë një të ftuar special, me një intervistë 180 sekonda, por jo vetëm.
“Dhe një risi që kam dashur shumë ta kem në sezonin e kaluar, por që arritëm ta kemi në këtë sezon të dytë është që të gjithë ju të dashur miq që dëshironi të luani me “Shiko kush Luan”, të mos luani nëpërmjet ekranit të Top Channel, por të luani edhe në studio”, shtoi Luana.
