Ndikimi që filmi “Barbie” vazhdon të ketë në jetën e njerëzve shkon përtej estetikës apo kinematografisë. Kukulla ka frymëzuar tashmë një trend të ri për këpucët që stilistët e kanë quajtur “takat Barbie”!
Sandale me rripa transparente japin iluzionin sikur nuk ke veshur fare këpucë, me thembra të harkuara dhe stilin e ngjashëm me kukullën e famshme. Disa i quajnë “takat e zhveshura” dhe merita këtu i shkon regjisores së “Barbie-t”, Greta Gerwig.
Filmi ka një skenë që jep një pamje nga afër të aktores Margot Robbie, e cila mban në këmbë këto taka, të cilat përveç stilit të veçantë shtojnë edhe disa centimetra në gjatësinë e vajzave që i veshin.
Modeli këpucëve me takë dhe rripa transparente u duk sikur doli nga moda në vitin 2018, por ja ku vijnë zgjedhjet e grave të famshme që na konfirmojnë rikthimin e këtij trendi. Hailey Bieber, Jennifer Lopez, madje edhe Margot Robbie po “ushqejnë” admiruesit e stilit me këtë tendencë të re këpucësh.
Le t’i hedhim një sy yjeve që i kanë mbajtur takat Barbie nga tapeti i kuq, në Instagram dhe plot aktivitete të tjera.
Burimi: Pop Sugar
