Dje, Era Istrefi, SHBA-të dhe 1450 personazhe të tjerë kishin ditëlindjen. Gaforrja më e njohur e muzikës shqiptare pati një maratonë surprizash ushqimore në dhomën e saj, ku ishte edhe një tortë nga motra Nora Istrefi.
“Gëzuar ditëlindjen, Era mbush 23”, kishte shkruar Nora, “S’mund të kisha një motër më të mirë as në ëndrra. Të dua shumë”
Urime i erdhën nga shumë bashkëpunëtorë në muzikë, si Ledri Vula, i cili është hot se gjithashtu ka lindur në korrik:
“Gëzuar ditëlindjen, Gaforre”, e uroi Ledri në Instastory.
Megjithatë, urimin më të përzemërt ia bëri Faton Shoshi, menaxheri dhe i dashuri (i përfolur) i Erës. Ata nuk e kanë konfirmuar asnjëherë drejtpërdrejt marrëdhënien, por Era u shpreh në një intervistë vjet se është e dashuruar dhe urimet që i bëjnë njëri-tjetrit tregojnë shumë:
“Gëzuar ditëlindjen, shoqja ime e rrezikut. Jam i bekuar që ti je pjesë e jetës sime”
Kur Shoshi kishte ditëlindjen në qershor, Era i dedikoi një urim po kaq të përzemërt, ku e quante “shok jete”. (shiko këtu)
