Shumëllojshmëria e ngjyrave reflekton stilin tejet femëror të Parker, ndërsa prania e fjongove në çdo stil këpuce, është referencë për fëmijërinë e saj. Modelet variojnë nga këpucë elegante me majë, në taka të larta metalike, në shapka me gisht e këpucë ortopedike. Çmimet fillojnë nga 195$.
“Jam frymëzuar nga ndodhitë e jetës sime, nga fjongot që lidhja në kokë, kur isha e vogël te nuancat e luleve në garderobën e “Sex and the City”, te stili klasik i viteve ’70 dhe ’80. Jam një ithtare e cilësisë dhe e idesë së pafundësisë dhe kam krijuar këtë koleksion, me shpresën që gratë do të dëshirojnë ta veshin, edhe në vitet në vijim,”- tha Parker.
Koleksioni përfshin edhe çanta dhe pardesy, të dizenjuara për të nxjerrë më në pah aksesorët. Ylli i “Sex and the City” lajmëroi hapjen e linjës së saj të këpucëve qershorin e kaluar dhe zgjodhi të bashkëpunojë më George Malkemus, shefin ekzekutiv të Manolo Blahnik, një markë të cilën, në rolin e Carrie Bradshow, e ndihmoi të behet e njohur në botën e modës.
Burimi: Vogue UK
