Vogëlushja True Thompson erdhi në jetë më 12 prill të një viti më parë, në kohën e skandalit të tradhtisë së babait dhe kështu duket se do të jetë edhe ditëlindja e saj e parë.
Thomson u kap fillimisht duke tradhtuar Khloé-n prillin e vitit të kaluar teksa u shfaqën disa fotografi të tij në shoqërinë e disa vajzave. Megjithëse Khloé e fali, burime të ndryshme thanë se çifti nuk iu kthye kurrë normalitetit.
Së fundmi, burime për People shprehen se ndonëse gjithë familja është e acaruar me Tristan-Jordyn, Khloé është e bindur që duhet të jetë edhe ai në festën e ditëlindjes së vajzës.
“Ajo dëshiron që vajzai saj të ndihet e mbrojtur. Në fund të ditës, ajo do që True të ketë një marrëdhënie me të dy prindërit,” tha një burim tjetër. “Khloé nuk është nga ato që hakmerren ose e rrethojnë veten me negativitet.”
Sigurisht që ndjekësit janë ndarë në dy pjesë. Disa janë të mendimit se Khloé duhet vlerësuar për zgjedhjen e saj dhe faktin që dëshiron që vajza të ketë pranë të dy prindërit. Nga ana tjetër, një pjesë mendon se askush nuk e mban mend ditëlindjen e parë, ndaj pas skandalit të tradhtisë me Jordyn, ftesa e Tristan është e pakuptimtë.
Nëse keni jetuar brenda një shpelle këto kohë: Tristan dhe Jordyn, mikja e ngushtë e Kylie Jenner- it festuan së bashku me Drake- un dhe grupin e tij. U tha se dyshja qëndronte shumë pranë dhe dukej haptazi që po flirtonte. Woods u shfaq në “Red Table Talk” në Facebook, të drejtuar nga Jada Pinkett Smith, ku pranoi se e ka puthur Tristan-in, por mohoi të ketë fjetur me të. Pasi fajësoi drejtpërdrejt Jordyn Woods si shkaktaren kryesore për shkatërrimin e familjes së saj, Khloe Kardashian u shpreh më pas se është e bindur se fajin ia ka Tristan-i dhe jo ish-mikesha. Si i kanë punët 2 ish-shoqet e ngushta, Jordyn dhe Kylie? Sipas TMZ, thuhet se dyshja nuk ka pasur asnjë lloj komunikimi që prej ditës që skandali i tradhtisë pushtoi internetin.
