Duhet ta pranojmë: depilimi me dyll është vërtet i dhimbshëm - veçanërisht nëse është hera e parë. Megjithatë, mos kini frikë! Ekzistojnë disa mënyra për ta bërë depilimin e bikinit më pak të dhimbshëm.
Nga rritja e qimeve pubike deri te ndryshimet dietike, disa rregullime të vogla të stilit të jetesës mund të zvogëlojnë seriozisht dhimbjen tuaj. Po ashtu, ka produkte të shumta që mund t'i përdorni për ta bërë më të lehtë mirëmbajtjen në shtëpi dhe, për rrjedhojë, t'i bëni takimet tuaja mujore të dyllit të jenë më të rehatshme.
Për shembull, a e dini se duhet të bëni eksfolim para dhe pas depilimit? Dhe se ka eksfoliues kimikë të krijuar posaçërisht për t'u përdorur në zonat tuaja më të ndjeshme?
Besoni apo jo, procesi para depilimit është po aq i rëndësishëm sa kujdesi pas për të siguruar një përvojë të lehtë.
Ka disa hapa kyç që duhen ndjekur përpara se të rezervoni takim me estetisten tuaj.
Është e rëndësishme të siguroheni që qimet tuaja të jenë mjaftueshëm të gjata. Ekspertët thonë se duhet të jenë “sa një kokërr orizi” dhe se nuk duhet kurrsesi ta shkurtoni nëse mendoni se janë zgjatur shumë.
Duhet të hidratoni lëkurën: Mënyra më e mirë për t'u përgatitur është të pastroni dhe hidratoni lëkurën në mënyrë rutinore. Konsideroni një krem ose vajrat e trupit .
Eksfolimi është thelbësor edhe para dyllit. Një ditë para depilimit, duhet të bëni një pastrim të trupit për të hequr qelizat e vdekura të lëkurës, sepse qimet mund të rriten brenda lëkurës në të kundërt.
Si të zvogëloni dhimbjen: Konsideroni një ilaç kundër dhimbjeve
Është mirë të merrni një ilaç kundër dhimbjes dy orë para depilimit.
Kjo do të ndihmojë në reduktimin e inflamacionit të lëkurës dhe të ndihmojë me përballimin e çdo dhimbjeje.
Artikuj të sugjeruar:
