Shfaqja e përvitshme e Victoria’s Secret është publiciteti më i mirë që i bëhet markës, por duket s'e Kinës nuk e merr shumë parasysh këtë pjesë.
Firma prestigjioze e të brendshmeve, e cila do të mbajë sfilatën ditën e sotme po përpiqet që gjithçka të shkojë sipas parashikimeve, pas një sërë problemesh që kanë patur në vendin komunist.
Goditja e parë ishte refuzimi i vizave për Kate Perry-in dhe Gigi Hadid, të cilat e patën të pamundur të marrin pjesë në eventin e madh.
Përveç kësaj duket se i gjithë stafi që merret me organizimin e shfaqjes po monitorohet nga autoritetet kineze. Dhe siç mund ta imagjinoni për askënd nuk ka qenë e lehtë.
Nga ana tjetër, industria e medias dhe televizionit po përpiqet me çdo kusht të mësojë se çfarë po ndodh vërtetë me produksionin, por duke qenë gjatë gjithë kohës nën vëzhgim ata janë shprehur se nuk mund të flasin dot lirshëm. Mediat kanë udhëtuar drejt Kinës për t’u informuar rreth eventit, por as ata nuk janë lejuar nga autoritetet.
Ndonëse ‘Victoria’s Secret’ nuk ka dhënë asnjë koment rreth këtyre situatave, eksperiencën e këtij viti do ta mbajnë mend gjatë.
