Aktorja më e paguar në botë është Scarlett Johansson.
Me të ardhurat nga filmi i saj i fundit, "Jurassic World: Rebirth", ajo theu rekord, duke u kthyer në aktoren që ka gjeneruar më shumë të ardhura në rang global.
Bazuar në filmat në të cilët është shfaqur, 36 në total, ajo është tani aktorja me fitimet më të larta në Hollywood, duke tejkaluar yjet e tjerë, si Robert Downey Jr., Samuel L. Jackson dhe Zoë Saldaña.
“Jurassic World: Rebirth”, i publikuar më 2 korrik, ka grumbulluar tashmë më shumë se 320 milionë dollarë fitime.
Sipas të dhënave nga The Numbers, Scarlett Johansson përfiton shumën prej 14.8 miliardë dollarësh nga filmat në të cilët ajo luan. Më shumë se 8.7 miliardë dollarë nga kjo shumë vijnë nga filmat “Avengers” dhe “Captain America: Civil War”, në të cilin ajo luajti si Natasha Romanov, e njohur edhe si Black Widow.
Role të tjera që llogariten në total përfshijnë filmin e saj debutues në MCU (Marvel Cinematic Universe), "Iron Man 2", dhe dy filmat e animuar "Sing".
Duket sikur vitet e fundit kanë qenë shumë fitimprurëse për aktoren, e cila nuk ndalet kurrë së punuari. Menjëherë pas publikimit të filmit të saj të ri, ajo tashmë po xhiron një projekt tjetër filmik. Aktorja e nominuar për çmimin Oscar e kaloi pasditen e së enjtes (10 korrik) duke xhiruar skena për filmin e saj të ri “Paper Tiger” me kolegun e saj Adam Driver në Queens, New York.
Ajo mbante veshur një bluzë blu dhe pantallona të zeza, ndërsa kolegu i saj, gjithashtu një kandidat për çmimin Oscar, mbante veshur një kostum gri dhe kravatë jeshile, ndërsa xhironin jashtë një shtëpie.
Më herët gjatë ditës, Scarlett u pa e veshur me një këmishë të bardhë dhe syze ndërsa xhironte më shumë skena.
“Tigri i letrës” tregon historinë e dy vëllezërve që ndjekin ëndrrën amerikane, vetëm për t’u gjetur në qendër të një skeme korruptive, ku “Mafia” ruse fillon të shënjestrojë familjen e tyre. Në film luan edhe Miles Teller.
Xhirimi i “Paper Tiger” filloi në fillim të qershorit, por Scarlett u detyrua të merrte disa javë pushim pasi po udhëtonte nëpër botë për të promovuar “Jurassic World: Rebirth”.
