Gjithë ç’ndodhi pas reagimit të Alyne Tamir në studion e “Xing me Ermalin”, na bëri që në këtë artikull të argumentonim pse fjali të tilla nuk duhet të përdoren në televizion, pasi të qëllimshme ose jo, kanë një impakt negativ, që ndoshta ne, nga këndi i spektaktorit ose i organizatorit, nuk e kuptojmë. Siç e keni lexuar, cekëm edhe rastin e Robert Berishës, i cili që prej puntatës së parë është “ngacmuar” mbi kërcimet e tij me partneren Leila.
Në natën e sotme, ndodhi pak a shumë e njëjta gjë. Alketa iu drejtua me humor Robertit duke i thënë: “Ç’mendon Nora, pasi e pashë që u përfshive shumë në kërcim. Po e bëjmë si pyetjen e filmit të famshëm 'Po bota, ç'do të thotë bota?”.
“Që prej ditës që kam nënshkruar kontratën për të marrë pjesë, e kam ditur që do të përkushtohem [në kërcim]. Unë jam artist,” tha ai.
Pra, Nora nuk ka pse të mendojë asgjë, pasi siç e tha Roberti, është një kontratë, një lojë, një garë që duhet respektuar. Në fund, e mbylli me “Leila është motra më e mirë që kam në Shqipëri.” Kaq.