Është e rrallë që një aktore dhe roli i saj (ndoshta) më elegant të jenë njëherazi popullore dhe të mos e humbasin kurrë këtë popullaritet.
Por për Jennifer Aniston , e cila njihet për stilin e saj minimal të viteve '90, me kalimin e viteve ka qenë e vështirë të thuash se ku përfundon roli apo personazhi i njohur si Rachel Green dhe ku fillon stili i saj elegant personal.
Ndërsa Carolyn Bessette-Kennedy kishte një stil luksoz të viteve '90 dhe Sarah Jessica Parker pamjen ‘vintage’, eleganca e pakohë ishte ajo që karakterizonte paraqitjet e Aniston.
Kominimi i veshjeve klasike me një element “vintage” duket se krijojnë stilin e saj unik.
Aniston me 11 shkurt mbushi 56 vjeç dhe elementet e stilit të saj personal kanë mbetur të njëjta, pasi aktorja mbetet po aq elegante sa ishte në “Friends” gati 30 vite më parë.
E megjithatë, edhe pse ajo u shfaq tre dekada më parë, stili i saj nuk ka dalë kurrë nga moda.
Në vend të kësaj, veshjet që ajo ka veshur prej vitesh – xhaketa lëkure, këmisha dhe xhinse – janë ende elementë kryesorë në veshjet e grave dhe vajzave moderne.
Po ashtu, aktorja duket se i ka qëndruar mjaft besnike pamjes së saj, duke mbajtur gjithmonë të njëjtën nuancë dhe stilim flokësh.
Nga ana tjetër, eleganca nuk është thjesht një “bekim nga Zoti”, pasi Aniston ka rrëfyer vazhdimisht për zakonet e saj të përditshme drejt një jete mjaft të shëndetshme.
Më e rëndësishmja, natyrisht, është se ajo duket gjithmonë rehat në veshjet që zgjedh dhe kjo është një arsye tjetër pse pamja e saj duket kaq tërheqëse. Në një kohë ku nostalgjia dhe rehatia janë më në modë se kurrë, stili komod i viteve '90 të Aniston shërben si frymëzim i stilit të përditshëm.
Artikuj të sugjeruar:
