Gjëra që dimë për Met Gala 2025: Zhvillohet në Muzeun Metropolitan të Artit, organizohet nga Anna Wintour dhe shumë njerëz të famshëm janë të ftuar. Por përveç këtyre, shumë pak gjëra dihen për momentin kur VIP-at hyjnë brenda muzeut, kjo prej rregullores strike se çfarë brenda Met Gala-së, realisht mbetet aty brenda.
Ndërkohë që ne, njerëzit që veshim bluza sportive dhe i gjykojmë të gjithë nga divanet tona, shohim personazhe të famshëm që ngjiten në shkallët e famshme të Met, këtu mbaron pjesa publike e këtij eventi. Pasi të gjithë hyjnë brenda, telefonat (duhet të) fiken dhe nuk ka gazetarë të pranishëm.
Siç e thotë Vogue: “Shkurt: Është sekret. Për këtë arsye, mysafirët duhet t’i përmbahen politikës së ndalimit të telefonatave (dhe për rrjedhojë, ndalimit të rrjeteve sociale).”
Kjo do të thotë se ka shumë pak foto nga brendësia e eventit, por ndonjëherë rregullat thyhen - zakonisht në banjo:
Pra, përveç disa selfie-ve në banjo, çfarë ndodh në të vërtetë në Met Gala brenda? Ja çfarë dimë:
Tapeti i kuq
E njohim tashmë këtë pjesë. Vijnë personazhe të famshme. Ata pozojnë. Hyjnë brenda. Ne ankohemi se si nuk i përmbahen temës dhe pastaj bërtasim me zë të lartë mendimet tona në biseda të ndryshme në grup. Traditë!
Ora e koktejleve
Pas tapetit, të ftuarit "përzihen" dhe vizitojnë ekspozitën. Ekspozita është gjithashtu e hapur për publikun më 10 maj deri më 26 tetor.
Darka
Të famshmit ulen për një darkë zyrtare (pasi kanë parë ekspozita) me vende të paracaktuara për t’u ulur, gjë që është një pjesë shumë e vështirë për t’u planifikuar duke pasur parasysh dramën e pashmangshme të të gjithëve me njëri-tjetrin.
Në vitin 2021, organizatori i festave Eaddy Kiernan i tha Vogue se kur bëhet fjalë për të vendosur se ku ulen yjet, "Ne përpiqemi të mendojmë me shumë kujdes se kush ulet pranë kujt. Çifti ynë ideal ndoshta do të ishte dy njerëz që mund të mos e kuptojnë fare se kanë shumë të përbashkëta. Pra, me secilin person, ne gjejmë kohë të mendojmë, 'Për çfarë do të flasin?' Ne përpiqemi të mendojmë shumë për pamjen e secilit dhe se ku janë ulur këta njerëz në Met Gala-të e kaluara. Gjithashtu përpiqemi të sigurohemi që dikush nuk është i ulur përballë një ish-i dhe t'u duhet të shihen sy më sy."
Ja një vështrim mbi planifikimin e darkës në vitin 2024:
Argëtimi
Çdo vit, të paktën një artist i famshëm jep një shfaqje në Met Gala (Vogue vëren se "ngjarja zakonisht përfshin një artist të profilit të lartë"). Këtë performancë vjet e bëri Ariana Grande:
Mbrëmja gjithsesi mbaron mjaft herët, duke u dhënë personazheve të famshëm një shans për të ndërruar veshjet dhe për të shkuar në festat që organizohen më pas.
Artikuj të sugjeruar:
Burimi: Cosmopolitan
