A e dini se polka dots e kanë marrë emrin nga kërcimi polka? Po që polka dots kanë qenë prezente për shekuj me radhë? Po që kanë pasur ndikim edhe në evolimin e shoqërisë përveçse modës? Atëherë jeni në vendin e duhur për të mësuar gjithë sa u përmend më lart.

Shumë prej jush mund të kenë dëgjuar për Revolucionin Industrial, i cili daton rreth viteve 1760. Përpara kësaj ishte shumë e vështirë të krijojë rrathë plotësisht rrethorë dhe simetrikë pasi nuk kishte opsionet e duhura në makinën qepëse ekzistuese.

Siç u përmend edhe më lart, emri u vendos për shkak të kërcimit çek Polka, i cili në vitet 1860 ishte goxha i njohur. Kishte shumë produkte polka që u prodhuan masivisht asokohe, por copa me polka dot është prezente edhe sot.

Supozohet se hera e parë që termi “polka dot” është shkruar diku, ka qenë në revistën “Godey’s Lady’s Book” në 1857.

Ky print u bë akoma më i përhapur në 1926 kur Norma Swallwood fitoi Miss America dhe u shfaq në skenë me një palë rroba banjo me pika.

Pas kësaj, personazhi vizatimor i Disney-t, Miushja Minnie, u shfaq me fundin e saj me pika. Disney tha se pikat ishin shumë të vështira për t’u animuar, megjithatë figura e Minnie-t me fundin me pika është tashmë një ikonë.

Polka Dots u bënë një trend në të gjithë botën, sidomos pas këngës së realizuar nga Frank Sinatra “Polka Dots and Moonbeams”. Pas kësaj, qenë figurat e njohura si Princeshë Diana apo Julia Roberts të cilat frymëzuan një epokë të tërë për të veshur printe polka dots.

Patjetër që edhe sot janë prezente polka dots, por më së shumti gjatë periudhës së pranverës dhe verës. Ndërkohë që printi klasik bardhë e zi mbetet mjaft i përhapur, printe të tjera shumëngjyrëshe janë po aq të preferuara.

Burimi: Cosmopolitan