Mbajeni mend 21 shkurtin e 2026-s, episodin e 19 të “Big Brother VIP Albania 5”, se është prime-i më i mërzitshëm. Ecim.
#1. Pse iku Kristi???
Sepse ka një muaj që e ka kërkuar largimin. Sepse i besoi intuitës së saktë se e përjetoi shkëlqimin, por edhe rënien aty brenda. Dhe kapërceu sërish murin.
Kësaj radhe ishte në studio me Ledionin, i cili thoshte se dukej që Kristi ishte penduar, por Kristi s’u duk në asnjë moment i tillë.
#2. Mateos i hipi vetja në qejf?
Shpallja si i preferuar nga publiku dhe intervista te “Goca dhe Gra” e bënë frontin Rogert+Miri+ushtarët të ndiheshin të kërcënuar me rëndësinë që po merr Mateo. Sipas tyre, Mateo po pëlqehet vetëm për marrëdhënien me Brikenën. Po sa e vërtetë është kjo? Jo pak veta evidentuan se Mateo s’po tregon më të njëjtin kujdes ndaj Brikit, kjo edhe sepse nuk i uroi finalen kur u pyet në “G&G”.
Në vend të mërzitej Brikena se personi që thotë se e pëlqen nuk mendonte se ajo ishte lojtare e fortë, mërziten të tjerët. Gjithsesi, e la një fjalë Arbri: momenti i të preferuarit është i bukur, por edhe i rrezikshëm.
Ose, siç raportoi korrespondenti nga Korça, Ilir Vrenozi: “Mos u zvogëlo për t’u përshtatur!”
#3. Shtëpia sheh çfarë ka thënë babai (i vërtetë) i Selin për babanë (e pavërtetë)
Banorët u shokuan pak kur Miri, edhe pse u quajt “pervers” nga babai i Selin, kishte vazhduar të mbante të njëjtën marrëdhënie të afërt me të.
Miri e justifikoi veten me faktin se s’donte të konfuzonte Selin dhe t’i prishte lojën duke u ftohur menjëherë prej saj pas kutisë së Pandorës, po as vetë s’e besoi si argument më duket.
Selini shprehu se ndiente një negativitet të madh ndaj Mirit.
#4. Rogerti surprizohet nga e shoqja dhe djali
U derdhën dhe ca lot nga Rogerti po është aq jashtë habitatit të tij kur qan, sa zor se u prek njeri.
#5. Rogerti nxjerr nga vetja Selinin
Duke i përmendur babanë e munguar, duke i ofruar të pinë kafe në hotel që t’i tregojë burrërinë, neveritë e përhershme të Rogertit. Fatmirësisht, edhe opinionistët e adresuan si moment sepse është rrezik i madh që tipat si Rogerti të normalizohen e të mos na bëjnë më përshtypje.
#6. Rogerti ka 2 vajza
Juelën dhe Livian, por ato e mohojnë atësinë e Rogertit, edhe pse ulërasin dhe e kanë gojën po aq të neveritshme sa Rogerti. Veçanërisht Livia.
Argumenti i vajzave ishte se të paktën s’i nisin të parat ofendimet, po i preke, të prekin. Kështu që, dhe ne po e mbyllim këtu me këto të dyja se s’ia vlen barra qiranë.
#7. Televotimi i radhës
Aq po i shteron krijimtaria dhe produksionit me këta banorë sa i nxorrën të gjithë në televotim për sjellje të keqe. Po ç’kusur ka Alessio i shkretë që as është sjellë keq, as e di ku është, e do dalë të martën pa arsye??
