Cameron Diaz ka treguar një ndër arsyet më të mëdha, që e bindën të rikthehej në ekranet e mëdha të kinemasë dhe bëhet fjalë për të shoqin e saj, Benji Madden. “Ai është më i miri”, u shpreh aktorja 52-vjeçare, referuar bashkëshortit 45-vjeçar, gjatë samitit “Fortune’s Most Powerful Women”.
Diaz do të rikthehet me 2 filma: “Back in Action” dhe “Shrek 5”, pas thuajse një dekadë larg kinemasë. Filmi i saj i fundit ishte “Annie” dhe më pas, ajo u përqendrua te familja dhe martesa. Në vitin 2015, Diaz u martua me Madden dhe 4 vite më vonë, erdhi në jetë e bija e tyre, Raddix. Në mars të 2024-ës, çifti njoftoi se në jetë erdhi djali i tyre, Cardinal.
Ajo rrëfeu se i shoqi u shpreh:
“Ti na ke mbështetur për të ndërtuar këtë familje dhe në sipërmarrjet e mia. Tani është momenti që ta lëmë mamin që të bëjë gjënë e vet”, referuar rikthimit të saj në aktrim.
Diaz, në lidhje me shkëputjen e saj nga aktrimi, është shprehur se ndihej se ai ishte momenti i përshtatshëm për një largim, në mënyrë që të merrte sërish nën kontroll jetën e saj. Ajo shpjegoi se ishte e shumë rëndësi që ajo të krijonte dhe ndërtonte familjen e saj.
Sigurisht, Diaz mori edhe një ofertë që nuk mund ta refuzonte. Jamie Fox e telefonoi dhe i kërkoi që të ishte pjesë e kastit të filmit “Back to Action” dhe Diaz nuk mund t’i thoshte “jo”. Ajo tha: “Eja me mua”, tha Jamie dhe unë u shpreha: “Ok, le ta bëjmë”.
“Back to Action” është filmi i tretë që bën bashkë Jamie Fox dhe Cameron Diaz. Ai do të publikohej në prill të vitit 2023, por u shty për shkak të problemeve shëndetësore të aktorit.
Artikuj të rekomanduar:
