Kylie Jenner, një vajzë si gjithë të tjerat, shokoi internetin kur u fotografua e pagrimuar, me flokë të mbështjellë rrëmujshëm, me gushë, me tuta dhe pa këpucë. Jo s’e ka ndonjë gjë të keqe të dukesh kështu, thjesht është ndryshim drastik nga mënyra si jemi mësuar ta shohim miliarderen më të re në moshë.
Për pak ditë patëm shpresë. S’jemi vetëm. Edhe Kylie ha patatina. Edhe Kylie del pa shapka.
Por zgjati shumë pak. Dje paparacët publikuan foto të reja “pa mendje” të 22-vjeçares ku duket kështu:
Kylie ka veshur xhinse Alexander Wang, bluzë nga Naked Wardrobe dhe në dorë mban një maskë. Në disa prej fotove, ajo e sheh kamerën drejt e në lente, si të jetë një shërbim fotografik.
Fansat që mendojnë se Kylie ka stisur këto foto në bashkëpunim me paparacin nuk janë të paktë. Madje, s’do të ishte as hera e parë.
Vjet, gjatë udhëtimit të saj në Mesdhe për ditëlindje, Kylie ngriti dyshime se kishte punësuar paparacë për të fotografuar ç’ndodhte brenda jahtit gjigant.
