Emisioni talk-show i Drew Barrymore do të ndërpritet për momentit, pasi aktorja u kritikua ashpër për faktin që vendosi të vazhdojë prodhimin dhe transmetimin e tij ndërkohë që më shumë se 11,000 skenaristë televizivë dhe filmash janë në grevë.
Pas kritikave, Drew njoftoi se do të ndërpresë transmetimin e “The Talk”.
“I kam dëgjuar të gjithë dhe po marr vendimin të ndaloj premierën e emisionit derisa të përfundojë greva,” shkroi Barrymore në një deklaratë të postuar në faqen e saj në Instagram.
“Nuk kam fjalë për të kërkuar ndjesë për këdo që kam lënduar dhe, natyrisht, për ekipin tonë të jashtëzakonshëm që punon në emision dhe e ka bërë atë që është sot. Me të vërtetë shpresoj për një zgjidhje për të gjithë industrinë shumë shpejt," shtoi ajo.
Deklarata e Barrymore vjen pas një jave të trazuar për aktoren dhe prezantuesen televizive, e cila u përball me kritika nga Shoqata e Shkrimtarëve të Amerikës (WGA) pasi mbrojti vendimin e saj për të rifilluar emisionin pa skenaristët e WGA në mes të grevave të shumta në Hollywood.
WGA hyri në grevë në maj pasi anëtarët e saj nuk ishin në gjendje të negocionin marrëveshje për një kontratë të re me studiot dhe transmetuesit. Në korrik, SAG-AFTRA, sindikata që përfaqëson 160,000 aktorë dhe interpretues, ndoqi shembullin e WGA.
