Genta Ismajli dhe i dashuri i saj turk, Usta, janë fejuar. Këngëtarja dha një intervistë ekskluzive për Prive ku zbuloi se është e lidhur prej pesë muajsh dhe se gjithçka është bërë serioze.
“Unë dhe i dashuri im jemi njohur në një restorant. Jemi takuar aty, e kemi parë njëri-tjetrin dhe mendoj që ka qenë dashuri me shikim të parë,” thotë Genta.
Dhe Usta, sigurisht pohon të njëjtën gjë. “Nga momenti i parë që e kam parë Gentën, jam dashuruar me të dhe për këtë arsye ndjeva se duhet t’ia bëja këtë surprizë,” tha Usta. “Çdo gjë që mendoj unë, e mendon dhe Genta. Të gjitha ndjenjat e mia, doli që i ka edhe ajo. Ngadalë po rriten.”
Këngëtarja ceku sa e vështirë është për dikë në pozitën e saj të gjejë një partner që e kupton dhe e mbështet.
“Është e vështirë të jesh këngëtare dhe të gjesh një person që të kupton, një njeri që të shtyn përpara si më shtyn mua Usta. Më ndihmon dhe më mbështet në karrierën time. E vlerësoj shumë. Muzika është gjithçka për mua dhe kam gjetur personin e duhur sepse e do muzikën si unë,” tha ajo.
Gentën e bëri të binte edhe më në dashuri zemra e madhe e Usta. “Më jep një energji dhe një emocion që s’e kam përjetuar më përpara as në muzikë, as në shoqëri, as në familje, as në dashuri,” vijoi ajo.
Çifti i ri do patjetër të bëjë fëmijë. Djalë apo vajzë nuk ka rëndësi për sa kohë është i shëndetshëm.
