Kushdo që beson te fuqia e bizhuve, e kupton sa mënyrë e shkëlqyer është një bizhu për të treguar stilin dhe personalitetin tonë. Mund të ketë dhe arsye të tjera pse njerëzit vendosin bizhu, mirëpo cilado qoftë, është një mënyrë e rëndësishme për t’i treguar botës kush jemi.
Pse e thamë të gjithën këtë? Sepse ka rëndësi ta përmendim para se t’ju sjellim në vëmendje unazat “kupolë” – që përcjellin një stil klasik dhe jo vetëm.
Tradicionalisht, unazat kupolë janë përbërë krejtësisht nga metale dhe nuk janë dekoruar me gurë, por në ditët e sotme dizenjot kanë ndryshuar. Përpos formave klasike të trasha, tashmë trend janë edhe punimet disi më të holla.
Këto unaza janë të përsosura për njerëzit që duan të bien në sy pa rënë në sy. Përcjellin luks, sofistikim dhe çdo veshje duket ndryshe me to.
Nuk ka rëndësi me çfarë i vishni – me diçka klasike apo me kombinime më të rastësishme – unazat kupolë duken yll.
Disa foto të tjera:
