Nëse menduat se shtëpia e “BBVA” kishte rënë në qetësi, mendohuni sërish.
Kutia e Pandorës në dorën e Juelës trazoi ujërat më shumë seç mund të pritej. Ajo çoi në televotim Gimbon, Gretën dhe Selin, por duket se nominimi ishte vetëm fillimi i një sage të gjatë sharjesh pa kriter, të bërtiturash me gishta në vesh dhe provokimesh nga më të ndryshmet.
Drama e vërtetë nisi sot në oborr, ku Juela dhe Rogerti nisën një breshëri debatesh me Gretën, e cila në një moment doli nga vetja, duke krijuar një skenë tejet të pakëndshme.
Në mesin e shumëçkaje që mund të kthehet në sherr, këtë herë fatin e pati një shishe uji.
Greta po qëndronte e ulur, ndërsa Rogerti u afrua për të marrë *shishen*, që në fakti rezultoi benzinë për zjarrin.
Në përpjekje për ta marrë, Rogerti preku (nuk e dimë se ku) Gretën, por kjo e fundit pretendoi se kontakti ishte në një zonë të papërshtatshme.
View this post on Instagram
Mes debatesh të agravuara, banorja nisi të shkëmbente një mori fyerjesh me Rogertin e Juelën, derisa debati arriti kulmin: Greta pështyu Juelën.
Kuptohet, një situatë si kjo kërkoi ndërhyrjen e banorëve të tjerë për të evituar ndonjë përplasje fizike (duhet thënë se ishte vetëm një fije larg).
Gjithsesi, drama vazhdon, teksa edhe përditësimi ynë nuk do të mungojë.
Mjaft tani për tani, sapo të ketë material, do mblidhemi sërish.
Paqe!
