Egli u kundërpërgjigjet kritikave në rrjet: “Prej 3 muajsh jam me mjekime të vazhdueshme” 

Egli, e cila vijon turneun e saj të koncerteve në Kosovë, përmes videoje të xhiruar teksa këndonte “A vritet pafajësia” (-Leonora Jakupi) dhe të publikuar në Instastory, u ka kthyer përgjigje kritikave për këndimin e saj playback në disa prej momenteve që janë bërë virale.

“Unë prej 3 muajsh tashmë, jam me mjekime të vazhdueshme për kordat vokale, për shkak të një dëmtimi serioz në to, i cili kërkon kohë në rikuperim të plotë dhe shumë pushim vokal (këngëtarët e dinë mirë)”, u shpreh Egli, duke shprehur edhe mirënjohjen dhe dashurinë për Drenicën.

Më tej, shtoi:

“Kjo është arsyeja pse shumë prej jush e keni vënë re një ndryshim në zërin tim prej kohësh. Mbase jo çdo notë është e përsosur, ama këtë këngë e të gjitha këngët e vendit tim, gjithmonë i kam kënduar nga shpirti e sot më shumë se kurrë”.

Përgjigjja e Eglit erdhi pas kritikave të shumta për performancat e saj playback, si dhe për veshjen me të cilat u shfaq duke kënduar këngë patriotike. Ajo mori kritika edhe nga Albina Kelmendi dhe Nita Latifi, reagimet e të cilave i gjeni duke klikuar në emrat përkatës.

Çiljeta rrëfen planet për zgjerimin e familjes: "Dua të bëj një vajzë, por kam një problem hormonal" 

Çiljeta Xhilaga ka rrëfyer së fundmi planet e saj për zgjerimin e familjes.

Në një intervistë për emisionin “Në shtëpinë tonë”, në Top Channel, këngëtarja tha se dëshiron që të bëhet nënë e një vazje, por ka një problem hormonal që po vështirëson këtë dëshirë të sajën.

“Ne kemi dy vjet që po përpiqemi të bëjmë një vajzë. Unë kam një problem hormonal. Do doja shumë ta kisha një vajzë,”- tha ajo.

Këngëtarja është nënë e një djali nga martesa e saj e parë, Fernando. Prej vitesh ajo bashkëjeton me portierin e “Partizanit”, Alban Hoxha, i cili po ashtu ka një djalë, Bekimin, të cilin Çiljeta vazhdimisht e ka konsideruar si djalin e saj të vogël.

Deklarata në TikTok për shqiptarët e Kosovës: G Bani përjashtohet nga koncerti në Drenas 

G Bani u përjashtua nga festivali “Muaji i Mërgatës” që do të mbahet në Drenas. Shkak për këtë është bërë një deklaratë e tij në TikTok, ku këngëtari tha:

“Po të dija që (shqiptarët e Kosovës) janë kaq racistë ndaj meje, nuk do të më ndjente as në ‘99-ën.”

Kjo fjali nxiti reagime të shumta në publik, ku shumë komentues dënuan deklaratën e tij. Si pasojë, organizatorët e festivalit “Muaji i Mërgatës” bën të ditur se performanca e G Banit do të anulohet.

Përmes një deklarate zyrtare, organizatorët e konsideruan gjuhën e përdorur nga artisti si “të papranueshme, fyese dhe pa etikë”, duke theksuar se nuk ka vend për qëndrime të tilla në një ngjarje që synon bashkimin dhe respektin mes shqiptarëve kudo që ndodhen.

Orinda flet për zgjerimin e familjes: “Duam, por nuk po vjen

Orinda Huta, përmes një ‘rubrike’ me pyetje-përgjigje në Instagram-in e saj, ka shprehur dëshirën për të zgjeruar familjen. Dikush e pyeti moderatoren nëse do ta bëjë Atarën (vajzën e saj) me një vëlla/motër të vogël apo do të ketë vetëm një fëmijë dhe Orinda iu përgjigj:

“Patjetër që duam, por nuk po vjen. Lutemi çdo natë me Ataren që të jetë në planin e Zotit”

Orinda dhe Turjan Hysko janë prindër të vogëlushes Atara, e cila erdhi në jetë pasi Orinda pësoi një abort spontan, si një dhuratë të cilën moderatorja nuk e priste.

Surprizë nga Dua dhe Dukagjin Lipa duke kënduar “Era”? Po!

Që Dua Lipa do performonte dhe vetë këtë vit në Sunny Hill Festival, e dinim. Që do këndonte një këngë shqip për të ndjekur zakonin e të kënduarit një këngë të njohur nga vendi ku ka performuar gjatë turneut të saj "Radical Optimism", gjithashtu e dinim. Por që do ngjitej në skenë me babain e saj, Dukagjin Lipa, dhe të këndonin "Era" nga grupi Gjurmët, kjo ishte një surprizë shumë e këndshme.

Gjurmët është një grup i njohur rock-u nga Kosova, i formuar në Prishtinë në vitin 1981 dhe aktiv deri më 1988, me vokalist Migjen Kelmendin, tani gazetar i njohur. Ata publikuan albumet “Gjurmët” (1984), “Gjurmët 1982-1988” (1988) dhe një përmbledhje në vitin 2002 me incizime të përmirësuara dhe reflektime retrospektive. Në fund të vitit 2015, grupi u rikthye me një koncert gala në Pallatin e Kongreseve në Tiranë.

Është apo jo me Eglin? Veprimi i fundit i Gjestit na bëri lëmsh! 

Gjesti, në koncertin e tij të fundit në Mitrovicë, ka bërë një gjest që na bëri lëmsh! Teksa ishte duke performuar, dikush nga publiku i dhuroi një palë syze, ku shkruhej “Gjesti” në njërin xham dhe “Egli” në tjetrin.

Gjesti i pa, i vendosi, performoi, madje i mbajti edhe në prapaskenë (sipas Prive).

Tani, janë apo jo bashkë, ende nuk e kemi të qartë, sidomos për faktin që të dy i kanë bërë unfollow njëri-tjetrit në Instagram, por siç do thoshte Ledioni, është pak po e sigurt që kjo marrëdhënie vijon të jetë po aq e paqëndrueshme sa brenda “BBVA”.