Nicole Kidman është fytyra më e re në kopertinën e Vogue për muajin shkurt. Aktorja 56-vjeçare ka folur për jetën e saj dhe thotë se jeta nis kur je 33 vjeç.
Më tej, aktorja mori shembull Taylor Swift, e cila është 33 vjeç dhe po jeton kulmin e saj artistik. Po asht, vetë Nicole kur mbushi 33, ishte në kulmin e karrierës teksa filmonte “Moulin Rouge” dhe mori nominim e parë për Oscar.
"Thonë se 33 është moshë shumë e fuqishme", shprehet ajo.
Ndër të tjera Kidman foli edhe për kohën kur ishte adoleshente, arratisjet për të shkuar në club dhe emocionet që përjeton edhe në këtë stad të jetës, kur sipas saj nuk ndalon kurrë së rizbuluari veten.
Sa i përket dashurisë për zvarranikët, që për shumë njerëz janë të frikshëm, ajo ka vendosur një gjarpër të zi të cilin e ka varur në qafë dhe dekolte. E veshur me lëkurë dhe syze të mëdha, aktorja ka qëndruar e thjeshtë në grim, por ekstravagante në veshje.
Përmes një videoje, Vogue ka cituar fjalët se saj duke theksuar se Nicole i zgjedh me kujdes shoqëruesit në aventurat e saj, por kjo nuk do të thotë që nuk shkon në to. Sigurisht, në intervistë nuk mungon një koment për gjarprinjtë si protagonistë, të cilët sipas Kidman, janë magjepsës sidomos për mënyrën si rrëshqasin dhe lëvizin. “Janë shumë të bukur”, ka thënë ndër të tjera aktorja.
Kidman e ka dhënë vetë idenë e gjarprit gjatë fotografimit duke treguar një anë të saj të panjohur. Në një linjë me këtë, aktorja ka treguar se gjithmonë, që fëmijë, ka pasur ndjesi shumë të forta adrenaline dhe i pëlqen shumë të vihet në provë, te eksplorojë dhe të gjitha këto ndjesi ia atribuon prejardhjes australiane.
Artikuj të sugjeruar:
