Sado që të gjithë do donim të provonim grim të nuancave të ndryshme, me siguri e keni vënë re se sa ndryshe mund të duket tek çdo person një grim me disa ngjyra të caktuara. Ngjyra e syve dhe e flokëve, si dhe toni i lëkurës, luajnë një rol shumë të rëndësishëm në atë që i përshtatet çdo personi.

Ndonëse nuancat e flokëve dhe të syve janë të lehta për t'u identifikuar, për fat të keq nuk vlen e njëjta gjë për lëkurën, pasi ajo ka dy tone: atë sipërfaqësor dhe atë që shtrihet poshtë lëkurës, i njohur si nënton. Për më tepër, toni i lëkurës mund të ndryshojë për shkak të ekspozimit në diell, por toni i poshtëm nuk ndryshon kurrë.

Të dyja janë njësoj të rëndësishme kur zgjidhni një fondatinë apo korrektor, sepse nëse nuk bëjmë zgjedhjen e duhur rezultati nuk do të jetë aspak i bukur.

Ekzistojnë tre kategori nëntonesh: të ftohta, të ngrohta dhe neutrale. 

Mënyra më e zakonshme për të zbuluar se cili është nëntoni juaj është të shikoni venat tuaja. Nëse janë blu, ju keni nënton të ftohtë, ndërsa nëse janë jeshile, keni nënton të ngrohtë. Në rast se ky truk nuk ju dha përgjigjen që kërkoni, mund të provoni këtë teknikë që na e mëson grimieri i famshëm, Scott Barnes.

Nëse keni një nuancë të ftohtë, ju përshtaten nuancat e ftohta (si në grim, ashtu edhe në bizhuteri apo veshje), nëse keni një nuancë të ngrohtë, nuancat e ngrohta ju bëjnë të dukeni mjaft mirë, ndërsa nëse keni një nuancë neutrale, ju shkojnë pothuajse të gjitha.

Artikuj të sugjeruar:

Burimi: Marie Claire