Sot pothuajse të gjithë e njohin Lori Hoxhën si fashionisten “high class”, Instgram-i i së cilës është burim frymëzimi për shumë vajza të reja që synojnë që një ditë të kenë pamjen e saj. Por ndoshta jo të gjithë e mbajnë mend Lorin në adoleshencën e saj, me flokët natyrale e të çrregullta dhe stilin urban ku tregonte aftësitë e saj në stilim me marka si “Topshop” apo “H&M” ku sigurisht nuk mungonin çantat dhe këpucët e shtrenjta.
Por me kalimin e viteve, sigurisht që do vinin edhe ndryshimet, si për të , por edhe për garderobën e saj. Nëse ashtu si dikur, Lori do të vazhdonte të postonte në blog markat e veshjeve të saj, ne vend të firmave të shtresës së mesme, me siguri do të gjenim më shumë emra luksi si Balmain, Givenchy etj. Nga adoleshentja “high street”, Lori sot është shndërruar në një “foxy lady” të vërtetë. Flokët natyrale tashmë janë shndërruar në bjonde e madje ajo është përfolur edhe për ndërhyrje kirurgjikale në buzë e hundë, por ende nuk dihet nëse bëhet fjalë për bisturi, apo për hile të makeup-it. Shfletoni galerinë për t’u njohur me evoluimin e stilit të Lorit.
