Përmes një postimi mëngjesin e sotëm në Facebook, kryetari i ri i Bashkisë së Tiranës, Erion Veliaj ka njoftuar se po vijon puna për lirimin e hapësirave publike në kryeqytet dhe aksioni është shtrirë në zonën e njohur si 'Brryli".
Kryebashkiaku, përmes një fotoje që pasqyron ndërhyrjen e ndërrmarë në këtë zonë, ka treguar se nga një vend që përdorej për shitjen e rrobave të përdorura ky shesh do të shndërrohet në një park për qytetarët.
"Nga sot nuk do shiten më rroba të përdorura në sheshin e 'Brrylit', por park për një nga lagjet më të njohura. Po lirojmë sheshet siç premtuam, na ndihmoni t'i mbajmë pastër ju lutem!"- ka qënë njoftimi i Veliaj, i cili ndër të tjera ka kërkuar edhe ndihmën e kryeqytetasve për të mbajtur pastër qytetin.
