Jo çdo histori nis me shkëlqim. Disa nisin në heshtje, me mendime të shumta, me prova që përsëriten dhe me zgjedhje të qëllimshme për të mos nxjerrë asgjë, derisa gjithçka të jetë vërtet ashtu siç duhet. Historia e Egessential, brand-it shqiptar të kujdesit për flokët, është pikërisht një histori e tillë.
Pesë vite më parë nuk kishte një linjë të plotë produktesh dhe as premtime të bujshme. Kishte vetëm një ide të qartë dhe shumë personale: flokët kanë nevojë për kujdes të thjeshtë dhe të menduar mirë. Sot, pas pesë vitesh pune të vazhdueshme, Egessential nuk feston thjesht një përvjetor, por një rrugëtim të ndërtuar me durim dhe besnikëri ndaj asaj ideje fillestare.
Pas këtij rrugëtimi qëndrojnë dy motra, Giorgia dhe Elena Dauti, të cilat vendosën të krijonin produkte për flokët ashtu siç do të donin t’i gjenin vetë: efektive, të lehta për t’u përdorur dhe pa premtime të tepruara.
Që në fillim, Egessential zgjodhi të mos ndjekë ritmin e shpejtë të industrisë së bukurisë. Jo nga hezitimi, por nga bindja se cilësia ka nevojë për kohën e vet. Produktet nuk dolën njëri pas tjetrit dhe linja nuk u ndërtua me nxitim. Çdo formulë u testua dhe u përpunua me kujdes, derisa të ishte realisht gati për t’u bërë pjesë e rutinës së përditshme.
View this post on Instagram
“Ne zgjodhëm të mos nxitojmë, sepse donim që çdo produkt për flokët të ishte në nivelin që ne e konsideronim të denjë,” tregon Giorgia. Ishte një proces që kërkonte përkushtim dhe vëmendje, por që u kthye në themelin e brand-it.
Produktet e Egessential, të krijuara në laboratorë në Itali, kaluan nëpër qindra prova përpara se të arrinin në duart e konsumatorëve. Formulat janë ndërtuar mbi përbërës natyralë dhe organikë, të menduara për të qenë efektive, por edhe të buta ndaj flokëve dhe skalpit. Çdo hap u mendua me kujdes, sidomos kur bëhej fjalë për kujdesin e flokëve, një pjesë e përditshme dhe e rëndësishme e kujdesit për veten.
View this post on Instagram
Sfida më e madhe gjatë këtyre viteve nuk ishte thjesht krijimi i produkteve, por ruajtja e të njëjtit standard në çdo detaj. Çdo maskë, çdo formulë duhej të ishte e dobishme, funksionale dhe e përshtatshme për sa më shumë lloje flokësh, duke reflektuar pozicionimin e Egessential si një brand luksi në kujdesin e flokëve.
Pesë vite më vonë, Egessential është më shumë se një brand për kujdesin e flokëve; është një koncept i ndërtuar mbi cilësinë, estetikën dhe përvojën. Produkte që nuk kërkojnë dhjetë hapa, por që funksionojnë. Nga përbërja, te tekstura e deri te paketimi i menduar deri në detaje, çdo element është pjesë e së njëjtës filozofi.
“Ne kemi dashur gjithmonë produkte që të bëjnë punën e tyre pa na e komplikuar jetën,” thotë Elena. Dhe pikërisht kjo ka krijuar lidhjen e fortë me vajzat dhe djemtë që i kanë zgjedhur ndër vite.
“Ky rrugëtim nuk do të kishte të njëjtin kuptim pa klientët që na kanë besuar që në fillim dhe ata që janë bashkuar përgjatë rrugës. Çdo blerje, çdo mesazh, çdo përshtypje e sinqertë ka qenë një shtysë për të vazhduar në të njëjtin drejtim. Një mirënjohje e veçantë shkon për të gjithë ata që e kanë bërë Egessential pjesë të rutinës së tyre dhe që e kanë mbështetur me besim e fjalë të mira,” shtojnë më pas.
View this post on Instagram
Pesë vite më pas, kjo histori nuk mbyllet këtu. Përkundrazi, vazhdon me të njëjtin besim se gjërat e ndërtuara me kohë, me kujdes dhe me dashuri janë ato që zgjasin më shumë. Dhe flokët, ashtu si çdo gjë e bukur, e ndiejnë gjithmonë diferencën.
