Jeta me siguri ka qenë shumë aktive për ty. Marsi është ende në Shigjetar, duke të bërë ty udhëheqës. Ke marrë këtë rol që kur Marsi hyri për herë të parë në shenjën tënde. Me Marsin në Shigjetar, ti do të kesh më shumë kontroll mbi drejtimin që do të marrë jeta jote!
Personat me ndikim po i kushtojnë vëmendje ideve të tua dhe do të jenë më të gatshëm të të mbështesin. Do ta kesh këtë avantazh që vjen një herë në dy vite deri më 15 dhjetor, kur Marsi të largohet nga Shigjetari dhe të hyjë në Bricjap, ndaj shfrytëzoje sa më shumë. Marsi do të të japë jo vetëm guxim dhe prezencë, por edhe do të të bëjë më tërheqës/e.
Hëna e plotë në Binjakë, më 4 dhjetor do të kristalizojë një plan të së ardhmes me partnerin/en tënd/e. Mund të fejoheni, ose nëse jeni tashmë të fejuar, të vendosni datën dhe të finalizoni planet e dasmës. Disa Shigjetarë në hemisferën veriore mund të kenë një dasmë dimërore me dëborë gjatë fundjavës së parë të dhjetorit, si rezultat i kësaj Hëne të plotë.
Nëse je tashmë i/e martuar, mund të vendosni tani si të përmirësoni marrëdhënien me një objektiv të ri për të ardhmen. Afërdita është tani në shenjën tënde. Ajo hyri në Shigjetar më 30 nëntor dhe do të qëndrojë deri më 24 dhjetor. Pa dyshim, do të shkëlqesh në çdo festë të sezonit, ndaj sigurohu të pranosh të gjitha ftesat e këndshme dhe plot gëzim.
Në hartën e Shigjetarit, Mërkuri sundon karrierën dhe më 6 dhjetor Jupiteri, sundimtari yt dhe planeti i fatit të mirë, do të jetë në harmoni ideale me Mërkurin dhe mund të sjellë lajme të mira. Kjo do të ishte një ditë ideale për një intervistë, fjalim ose prezantim.
Hëna e re në Shigjetar më 19 dhjetor sjell një ngërç për ditët dhe javët në vijim. Ndërsa ke Diellin, Hënën e re, Afërditën dhe Mërkurin të gjitha në Shigjetar (fantastike!), ata do të jenë në konflikt me Saturnin dhe Neptunin në sektorin e shtëpisë dhe familjes (jo aq mirë).
Mund të duhet të nxitohesh drejt shtëpisë për t’u kujdesur për një të afërm të moshuar, pasi Saturni sundon personat në moshë të thyer.
Ose mund të ndodhë ndonjë problem në lidhje me shtëpinë apo apartamentin, si dëmtime nga uji ose një dritare e thyer, madje, edhe të dyja bashkë. Nga ana tjetër, nëse ke familjarë ose miq që qëndrojnë në shtëpinë tënde, mund të zhgënjehesh kur të mësosh se planifikojnë të qëndrojnë më gjatë se sa kishe menduar.
Të gjithë do të ndjejnë pak tension nga Hëna e re e 19 dhjetorit, por në pjesë të tjera të hartës tënde lajmet do të jenë shumë më të ndritshme. Jupiteri, sundimtari yt, është në shtëpinë e financave që vijnë nga të tjerët, ndaj ky mund të jetë një vit i shkëlqyer për të ardhurat. Paratë mund të vijnë si bonus, komision, qira, trashëgimi, sigurime, çështje gjyqësore, ndarje, paketë shpërblimi, shitje prone, kapital investimesh etj. Paratë nuk do të vijnë domosdoshmërisht nga paga.
Jupiteri do të jetë në një kënd të shkëlqyer me Saturnin dhe Neptunin, ndaj pavarësisht se çfarë mund të ndodhë me shtëpinë fizike ose me një çështje familjare, Jupiteri do të jetë aty për të të mbrojtur fort dhe për të sjellë ndihmën financiare që mund të të duhet për të rregulluar problemin. Gjërat do të rregullohen! Ki besim!
Ndërsa viti përfundon, Hëna në tranzit do të jetë në Binjakë, një shenjë Ajri që shkon shumë mirë me Diellin! Ti do të shijosh përfitimet nga ky bashkëpunim.
Muajin e kaluar u vu në provë durimi i të gjithëve. Mërkuri ishte në prapavijë dhe më në fund mori drejtimin e duhur në fund të muajit. Megjithatë, ky nuk ishte problemi më i madh, Urani, planeti i paparashikueshmërisë, po sillej si tekanjoz gjatë gjithë nëntorit, duke shkaktuar probleme dhe çrregullime. Urani mund të ketë sjellë edhe probleme financiare. Nuk pati shumë hapësirë për lehtësim. Me ardhjen e dhjetorit, planetët më në fund janë qetësuar, ndaj vonesat dhe rikthimet pas do të marrin fund, si dhe ritmi do të përshpejtohet.
Që nga 4 nëntori, Marsi ka trazuar një sërë projektesh si në punë ashtu edhe në shtëpi, ndaj lista jote e detyrave është zgjatur. Ke qenë shumë i/e zënë! Kjo do të vazhdojë deri më 15 dhjetor, kur Marsi më në fund do të largohet nga kjo pjesë e hartës tënde dhe do të jesh në gjendje të marrësh frymë i/e lehtësuar.
Duket se ke punuar shumë për të plotësuar një afat më 4 dhjetor, një detyrë që ka kërkuar shumë energji. Nëse të duhet shtysë, mund të kesh mundësi ta dorëzosh deri të martën në mëngjes, më 9 dhjetor. Nuk duket se mund ta shtysh më tej se kaq.
Nëse sëmuresh me një të ftohtë gjatë Hënës së plotë të 4 dhjetorit (dy ditë para dhe katër ditë pas), anuloje menjëherë axhendën dhe pusho. Një Hënë e plotë mund të të ndihmojë të shërohesh shpejt, por vetëm nëse ndalon dhe kujdesesh për veten. Siç kam përmendur në parashikimin kryesor, ky muaj vendos theks të madh te kujdesi për shëndetin.
Nëse duhet të bësh një udhëtim pune më 10 dhjetor, shiko nëse mund ta anulosh. Ose zhvendose në 6 dhjetor (një ditë fantastike për çdo takim), ose prit derisa Marsi të hyjë në Bricjap, nga 15 dhjetori e tutje.
Duke shtyrë udhëtimet dhe çështje të tjera, nuk do të humbasësh asnjë status në punë apo në industri. Në fillim të dhjetorit, në qiell po formohet një trekëndësh i artë, që lidh Mërkurin në shtëpinë tënde të dhjetë të karrierës prestigjioze me Saturnin dhe Neptunin në shtëpinë e dytë të pagës. Mërkuri, Saturni dhe Neptuni do të lidhen me Jupiterin, planetin e fatit të mirë, në shtëpinë e shtatë të partneriteteve, duke përfunduar një trekëndësh të përsosur harmonie. Kjo tregon se, pas Hënës së re më 19 dhjetor, mund të mbyllësh një marrëveshje me një klient.
Gjithashtu këtë muaj, Neptuni do të kthehet direkt më 10 dhjetor, pasi ka qenë në prapavijë që nga 4 korriku. Neptuni sundon shtëpinë tënde të tretë të kontratave dhe negociatave.
Afërdita do të hyjë në Bricjap më 24 dhjetor dhe do të qëndrojë deri më 17 janar. Ajo dhe Marsi janë zogjtë e dashuruar të kozmosit dhe puna e tyre, kur janë bashkë, është të ndezin shkëndijën e dashurisë. T’i kesh të dy në shenjën tënde është fantastike; t’i kesh në bashkim më 7 janar është e pabesueshme!
Nga të gjitha festat, nata e Krishtlindjes dhe Dita e Krishtlindjes do të të gëzojnë më shumë. Hëna në tranzit do të jetë te Peshqit e butë e shpirtërorë, një shenjë që harmonizohet mrekullisht me tënden, duke reflektuar frymën e vërtetë të sezonit.
Muajin e ardhshëm, me shumë planete në Bricjap, që do të shkojnë jashtëzakonisht mirë me njëri-tjetrin (gjë që ndodh rrallë në këtë nivel!), ke shumë të reja!
Copyright Anabel.al / Ndalohet ribotimi pa lejen e redaksisë.
