Në një ribashkim të bukur mes ish-ave, Nora Istrefit dhe Robert Berishës, në emisionin e këtij të fundit, "Robi plaket kur don vet", ndodhi një moment emocionues.
Gjatë intervistës, Roberti nxjerr një kuti unaze dhe ndonëse nga promo-ja prezantuese ky moment u duk thjesht si një provokim për publikun, duke marrë parasysh historinë mes tyre, arsyeja e dhurimit të unazës ishte në fakt mjaft e bukur:
"Kam një dhuratë për Norën, për të cilën kam kursyer gjatë për ta blerë, është një unazë me diamantë. Kisha qejf që kur Reneeja jonë të bëhet 18 vjeç [ta marrë]. Këtë e mban ti derisa Renee të bëjë 18 vjeç."
Nora, e cila e pranoi dhuratën për vajzën e tyre me buzëqeshje dhe provoi unazat në gishtin e saj, ia ktheu:
"Ka për t'u gëzuar Renne për këto unaza shumë të bukura. Dhe unë po ia përdor pak," duke shtuar me shaka.
Nora Istrefi dhe Robert Berisha i dhanë fund historisë së tyre 14-vjeçare të dashurisë në vitin 2019. Lajmin asokohe e konfirmoi vetë Roberti mes një postimi në Instagram, pas shumë aludimesh nga portalet. Dyshja kanë një vajzë të vogël 10 vjeç së bashku, të quajtur Renee.
