Nëse çdo mëngjes zgjoheni me idenë se dita “s'po ecën”, ndoshta problemi s’është universi, por janë disa zakone të vogla që po i bëni gabim. Psikologët thonë se disa veprime që duken të pafajshme mund t’ju shkatërrojnë produktivitetin.
E shtyni alarmin për më vonë: E dimë: është tundimi më i madh i botës. Por kur bie sërish në gjumë, futesh në një cikël gjumi të ri, nga i cili trupi e ka shumë të vështirë të dalë. Rezultati? Zgjohesh më i lodhur se më parë.
Qëndroni në batanije: Jo, jo. Truri yt ka nevojë për sinjalin e qartë: “Dita filloi!”. Ngrihu dhe jepi trupit pak oksigjen.
Kontrolloni telefonin: Email-et, mesazhet, problemet e botës, nuk duhen në momentin që zgjohemi. As Instagram-i. Lëri 5-10 minuta të qeta, veç për ty.
E lini krevatin të parregulluar: Meqënëse do ktheheni sërish në mbrëmje ju mendoni se nuk keni përse ta rregulloni. Por, psikologët kanë zbuluar se kjo gjë lidhet me produktivitetin dhe organizmin tuaj gjatë ditës.
Pini kafe: Lajm i keq për kafedashësit! Trupi prodhon natyrshëm kortizol, i cili rregullon nivelin e energjisë, gjatë orës 8:00–9:00. Konsumoje kafenë pas orës 09:30 për efekt maksimal.
Bëheni gati në errësirë: Sa komode duket, aq problematike është. Errësira i thotë trupit se “ende është natë”, ndaj ti mbetesh gjysmë i përgjumur për shumë më gjatë. Hap perdet, ndiz dritat, sepse drita është alarmi më natyral.
S’keni një rutinë të qëndrueshme: Ruani një skemë automatike që do bëni sapo të zgjoheni, në mënyrë që energjinë për gjërat e paparashikuara ta ruani për më vonë. Sa më pak vendime në mëngjes, aq më shumë energji për pjesën tjetër të ditës.
Burimi: The Independent
