Ka netë kur gjumi duket si një ëndërr e paarritshme.
Kthehemi nga njëra anë në tjetrën, shohim orën dhe numërojmë orët e pakta të pushimit që na kanë mbetur. E megjithatë, ekziston një gjest shumë i thjeshtë që mund të ndryshojë gjithçka: të veshësh çorape para se të flesh.
Ky nuk është një mit, por një truk i vogël i mbështetur shkencërisht, që ndihmon trupin të qetësohet dhe mendjen të ngadalësohet, duke e bërë më të lehtë të biesh në gjumë dhe të flesh më gjatë pa u zgjuar shpesh.
Sipas ekspertëve, veshja e çorapeve para gjumit mund të përmirësojë ndjeshëm cilësinë e relaksimit përmes një mekanizmi të thjeshtë, por shumë efektiv: rregullimit të temperaturës së trupit.
Për të rënë në gjumë, trupi ka nevojë të ulë temperaturën e brendshme dhe ky proces nis nga këmbët. Kur ato janë të ftohta, enët e gjakut ngushtohen, duke vonuar humbjen e nxehtësisë dhe duke e penguar trupin të “kuptojë” se është koha për gjumë. Përkundrazi, kur këmbët ngrohen, enët e gjakut zgjerohet, qarkullimi përmirësohet, temperatura e trupit bie më shpejt dhe truri merr sinjalin se është momenti për të pushuar.
Efektet pozitive
Veshja e çorapeve ndihmon trupin të aktivizojë natyrshëm procesin e gjumit. Dhe ky nuk është i vetmi përfitim: studimet tregojnë se personat që flenë me këmbë të ngrohta bien në gjumë më shpejt dhe zgjohen më rrallë gjatë natës.
Për më tepër, ky zakon ndihmon në stabilizimin e ritmit cirkadian, orës së brendshme të trupit, duke përmirësuar cilësinë e përgjithshme të gjumit.
Çorapet duhet të jenë të rehatshme dhe të buta. Zgjidhni materiale natyrale si pambuku, leshi ose fibrat organike, të cilat mbajnë nxehtësinë pa shkaktuar djersitje.
Shmangni çorapet shumë të ngushta ose ato sintetike që mund të pengojnë qarkullimin e gjakut.
Po aq e rëndësishme është edhe temperatura e dhomës së gjumit: ambienti ideal është midis 18 dhe 21°C, që trupi të mund të rregullojë nxehtësinë.
