Foto: Kate Midletton/ Getty Images

Nëse nuk e njihni mirë, princi Andrew është djali i tretë i mbretëreshës Elizabeth II dhe vëllai më i vogël i mbretit Charles. Për vite me radhë ai ka qenë një nga figurat kyçe të familjes mbretërore britanike, por gjithçka ndryshoi kur u përfshi në një sërë skandalesh serioze që tronditën reputacionin e monarkisë.

Andrew u lidh me Jeffrey Epstein-in, financierin miliarder dhe abuzuesin seksual të dënuar, dhe u akuzua për abuzim seksual nga Virginia Giuffre, e cila tha se ishte trafikuar nga Epstein kur ishte ende adoleshente.

Edhe pse Andrew i ka mohuar akuzat, ai e zgjidhi çështjen ligjore me një marrëveshje shumëmilionëshe jashtë gjykate në vitin 2022. Për shkak të presionit publik dhe mediatik, iu hoqën titujt ushtarakë dhe detyrat mbretërore dhe prej atëherë ka jetuar i tërhequr nga jeta publike në një rezidencë luksoze në Windsor, Royal Lodge.

Dhe pikërisht ky është problemi.

Kate Middleton dhe princi William nuk janë aspak të kënaqur me faktin që princi Andrew do të jetë fqinji i tyre i afërt në Windsor. Dhe ndërsa jeta në pallat mund të duket plot  me shkëlqim, disa fqinjësi thjesht nuk i dëshiron askush, madje as një princeshë.

Sipas ekspertit mbretëror Phil Dampier, William është i vendosur që “të vendoset një kufi” lidhur me çështjen e xhaxhait të tij para se ai vetë të bëhet mbret. Aktualisht, Andrew vazhdon të jetojë në Royal Lodge, ku protestues të shumtë janë parë duke qëndruar jashtë me megafonë, duke kërkuar largimin e tij nga rezidenca.

Dhe Kate? Edhe pse ajo zakonisht qëndron larg dramave dhe përkrah gjithmonë vendimet e bashkëshortit të saj, burimet thonë se çifti mbretëror nuk dëshiron që emri i tyre të lidhet më tej me skandale familjare, sidomos kur bëhet fjalë për fqinjë që nuk mund t’i shmangësh.

“Fëmijët do të shkojnë në shkollë, familja jeton në Windsor, është e pamundur të mos përplasen ndonjëherë me Andrew,” shprehet Dampier. “Dhe kjo është pikërisht ajo që po përpiqen të shmangin. Duan ta zgjidhin këtë situatë sa më shpejt, në kohën e mbretit Charles, që të mos mbetet si barrë në kohën e William-it.”

Nëse Princi Andrew largohet, çka nuk është aq e thjeshtë për shkak të një kontrate shumë të fortë që ka për Royal Lodge, ekziston mundësia që ai të zhvendoset jashtë vendit. Thuhet se ka një vilë luksoze në Abu Dhabi, dhuratë nga shumë vite më parë. Por, siç thekson Dampier me një shprehje të goditur: “Ai kurrë nuk ka ditur ta lexojë një situatë në ajër.”