Bustle

Hëna e Re jashtëzakonisht e fuqishme në shenjën e Peshores, më 21 tetor 2025, do të ndikojë te çdo shenjë zodiaku duke na përqendruar te dinamika e marrëdhënieve. Kjo është një vazhdimësi e mësimeve që morëm gjatë verës, kur Saturni kaloi në Dash. Kujto marrëdhëniet që u lëkundën atëherë ose njerëzit me të cilët jeta të ka larguar që prej asaj kohe.

Këtë javë, do të kemi mundësinë për një fillim të ri përmes pajtimit dhe për të forcuar lidhjet e rëndësishme që kemi sot.

Hëna në Peshore na kujton se, edhe pse pavarësia është thelbësore, ne kemi nevojë për të tjerët. Është momenti për të vlerësuar njerëzit që na duan dhe na mbështesin dhe horoskopi i kësaj jave tregon se si secila shenjë mund ta bëjë këtë.

Dashi

E ke të lehtë të reagosh pa u menduar shumë dhe të injorosh ndjenjat e të tjerëve, por gjatë kësaj Hëne të Re do të pyesësh veten si mund t’i përmirësosh këto dinamika.

Zbato mësimet e sezonit të Peshores, do të jenë të vlefshme kur Saturni të hyjë në shenjën tënde vitin tjetër.

Tema e kësaj periudhe është pjekuria dhe aftësia për të kërkuar falje. Me Diellin që kalon në Akrep, do të ndihesh gati të lësh pas të kaluarën dhe të ecësh përpara me forcë të re.

Demi

Këtë javë do të mendosh shumë për bashkëpunimin me të tjerët. Hëna e Re do të të ndihmojë të ndërtosh një bazë më të fortë për të ardhmen. Do të përqendrohesh te përgjegjësitë e tua dhe ruajtja e energjisë.

Me fillimin e sezonit të Akrepit më 22 tetor, do të përjetosh zbulime përmes lidhjeve njerëzore, pasi ata që të rrethojnë mund të të udhëheqin me mençuri. Kujdes, sepse Marsi mund të sjellë tensione në marrëdhënie, durimi dhe mirëkuptimi janë çelësi.

Binjakët

Hëna në Peshore do të nxjerrë në pah marrëdhëniet më të rëndësishme në jetën tënde. Nuk ka të bëjë vetëm me dashurinë romantike, por me çdo lidhje që kërkon përmirësim.

Do të ndihesh më i sigurt në vetvete, komunikimi do të të vijë më natyrshëm. Me hyrjen e Diellit në Akrep, kupton se për të ndërtuar lidhje të shëndetshme, duhet të jesh i sinqertë me veten.

Gaforrja

Kjo Hënë e Re të nxit të lidhesh me ambiciet e tua. Mund të sjellë ndryshime që të të përgatisin për kalimin e Saturnit në Dash vitin tjetër.

Sezoni i Peshores mund të ketë sjellë lëvizje në shtëpi ose ndryshime në karrierë. Tani, në sezonin e Akrepit, po aplikon mësimet për të zgjeruar horizontet dhe për të fituar më shumë njohuri.

Luani

Hëna e Re në Peshore të vendos në qendër të vëmendjes, do të jesh personi më i kërkuar këtë javë. Bashkëpunimet e reja, sidomos profesionale, do të jenë shumë të frytshme.

Në vend që të jesh gjithmonë udhëheqës, tani mëson si të dëgjosh dhe të punosh si pjesë e një ekipi. Sezoni i Akrepit do të të mësojë durim dhe këmbëngulje, duke të ndihmuar të rritesh profesionalisht.

Virgjëresha

Hëna e Re në Peshore të ndihmon të rindërtosh vetëbesimin dhe të kujdesesh për farat që ke mbjellë më herët këtë vit.

Sezoni i Akrepit sjell ndryshime domethënëse në karrierë apo studime. Me Marsin dhe Mërkurin në Akrep, do të kesh ide të ndritura që kërkojnë përkushtim dhe durim për t’u zhvilluar.

Peshorja

Dashuria është fjala kyçe për ty këtë javë. Hëna e Re në shenjën tënde të hap zemrën dhe të bën më të ndjeshme, por në mënyrën më të bukur.

Do të dish si të mbrosh kufijtë e tu, por edhe si t’u japësh njerëzve një mundësi të re. Me hyrjen e sezonit të Akrepit, do të mësosh të forcosh marrëdhënien më të rëndësishme, atë me veten.

Akrepi

Gjërat fillojnë të qartësohen me këtë Hënë të Re në Peshore, e cila përgatit terrenin për sezonin tënd. Me hyrjen e Diellit në shenjën tënde më 22 tetor, do të ndihesh plot energji, ide dhe pasione të reja.

Kjo është një periudhë vetëzbulimi dhe fuqizimi personal. Me Marsin dhe Mërkurin në Akrep, do të jesh gati të ndjekësh qëllimet e tua dhe të kthehesh drejt ëndrrave që ke shtyrë.

Shigjetari

Kjo Hënë e Re do të jetë si një shpatë me dy tehe për ty. Sezoni i Peshores të ka treguar cilët miq nuk janë më në të njëjtin drejtim me ty, por kjo hënë do të hapë dyer për njohje të reja.

Do të ndihesh më i/e qartë për qëllimet e karrierës dhe për atë që do të ndërtosh. Lëre pas çdo lidhje që u thye gjatë eklipsit të fundit, universi po të çliron për diçka më të mirë.

Bricjapi

Pas një viti të ngarkuar, Hëna e Re në Peshore do të ndihet si ajër i freskët. Do të reflektosh, do të mësosh nga gabimet dhe do të përgatitesh për ndryshimet që do të vijnë para se Saturni të kthehet në Dash.

Mos harro të jesh krenar për gjithçka ke arritur këtë vit, Jupiteri vazhdon të të mbështesë.

Ujori

Hëna e Re në Peshore të kujton sa i/e zgjuar dhe i/e aftë je. Kjo është periudha për t’u besuar ideve të tua dhe për të zgjeruar horizontin, qoftë përmes artit, studimeve apo përvojave të reja.
Me hyrjen e Diellit në Akrep, të hapet një fazë e re udhëheqjeje dhe ndikimi.

Peshqit

Për ty, kjo Hënë e Re do të jetë një moment fuqizimi dhe rikthimi tek vetja. Saturni në shenjën tënde të ndihmon të ruash fokusin dhe disiplinën për të arritur qëllimet.

Sezoni i Akrepit do të sjellë ide të reja që do të bëhen bazë për suksesin tënd.