Kastro Zizo (emri i vërtetë i së cilit është Klevis Bega), i ftuar në Top Albania Radio, ka bërë një rrëfim tronditës, duke treguar se ka bërë një betejë të gjatë ligjore për t’u takuar me vajzën e tij, e cila është tanimë 13 vjeç. Kastro ndau për herë të parë për publikun se vajza e tij ka autizëm dhe se për 10 vitesh nuk e kanë lejuar të ketë asnjë kontakt me të.
“Vajza nuk është si fëmijët e tjerë. Është në spektrin autik, vjen si pasojë e një historiku të gjatë, pak të errët, ku ka jetuar, te nëna e saj”, tregoi ai fillimisht.
Më tej, shtoi:
“Unë mund të flas me orë të tëra për të! Në një moment kur nuk të është lejuar të shohësh vajzën për 10 vite, mëson se është autike. Mua më është ndërprerë çdo kontakt. Mesa duket kanë menduar se nuk isha i denjë, kanë tentuar të rrisin jo një qenie njerëzore, nuk kanë ditur të rrisin një fëmijë”, tha këngëtari, duke treguar se ka shkuar në Prishtinë për të mësuar më shumë rreth gjendjes së të bijës, nga shërbimet sociale.
Kastro rrëfeu se vajza jetonte me të ëmën dhe se është marrë prej tij në kushte të tmerrshme:
“Vajza është marrë nga unë në kushte të tmerrshme. Shkova në Prishtinë, u lajmërova nga shërbimet sociale, jetonte me të ëmën”.
View this post on Instagram
