Disa njerëz nuk duan që të dalin në fundjavë, por duan të shijojnë shtëpinë.
Nëse je prej atyre që ndihen kështu, ky artikull është për ty. Plane të thjeshta, që nuk lodhin, por të mbushin.
1. Mëngjes i ngadaltë, pa alarm
Nuk ka nevojë të flesh deri në drekë. Por, zgjohu pa alarm, përgatit diçka të ngrohtë (kafe, çaj) dhe ulu pranë dritares.
Pa telefon për orën e parë. Shkruaj disa mendime në ditar, për të “shkarkuar” mendimet e mundimshme. Pyet veten:
Çfarë më shqetëson?
Për çfarë ndihem mirënjohëse?
Si dua të jetë kjo ditë?
Kjo orë është si një përgatitje e shenjtë për ditën.
2. Një “retreat” personal për lexim
Blloko 2-3 orë vetëm për të lexuar, siç të tjerët krijojnë kohë për brunch.
Vendos telefonin në modalitet “airplane”.
Lexo me qetësi, pa presion për të përfunduar një numër të caktuar faqesh. Krijo një “fole leximi”: batanije, çorape të ngrohta, diçka për të ngrënë që nuk lë gjurmë në faqe.
Nëse po lexon pas një kohe të gjatë, nis me një libër të shkurtër. Qetësia nuk do të thotë pasivitet.
3. Një mikro-aventurë në natyrë
Nuk ke nevojë të jesh sportiste për të përjetuar natyrën.
Bëj një ecje të ngadaltë në park, shëtit në lagje, ndalo në një vend që gjithmonë e ke parë, por kurrë nuk e ke vizituar.
Qëllimi nuk është distanca, por rivendosja e qetësisë së brendshme.
4. Krijo pa e ndarë në rrjete sociale
Jo çdo gjë duhet të postohet apo të monetizohet. Bëj diçka vetëm sepse të pëlqen, mbase një vizatim i çuditshëm. Mbaj një kuti të vogël me bojëra, letra, lapsa, gjëra që të frymëzojnë.
Vendos një rregull: vetëm komente pozitive për atë që krijon.
“Më pëlqen kjo ngjyrë.”
“Kjo formë më duket e këndshme.”
Krijimi pa gjykim është një formë shumë e mirë pushimi.
5. Gatuaj
Shko në treg si në një udhëtim shqisor. Nuk ke pse të blesh shumë, zgjedh një frut sezonal që s’e ke provuar më parë.
Më pas, cakto një orë të qetë për gatim të thjeshtë: ziej disa perime, pak drithëra, përgatit një salcë.
Vendos një album që të pëlqen, ndiz një qiri.
Rezultati?
Një mbrëmje e qetë dhe një javë më e lehtë që të pret.
