Foto: @lavillabyandale, @elionapitarka, @franthepixie / Instagram

Nëse Instagrami apo TikToku yt është mbushur me video të njerëzve që pozojnë në mënyrë kaq mbresëlënëse, “faji” është i Nicki Minaj.

Trendi #NickiMinajChallenge lidhet me një moment nga videoklipi i këngës së saj të vitit 2013, “High School”, ku Minaj shfaqet buzë pishinës, me një pozë që nëse e provon në shtëpi, të paktën do rrëzohesh, në rastin më të mirë.

Me njërën këmbë mbi tjetrën, taka të larta dhe një balancë të frikshme, kjo është poza që ka nxitur sfidën më të re.

Edhe pse kënga ka më shumë se një dekadë që është publikuar, komentet e fundit në YouTube lidhen me trendin e ri, sepse interneti asnjëherë nuk harron.

Për ta çuar sfidën në ekstrem, njerëzit në rrjete sociale po e bëjnë pozën gjithnjë e më të vështirë: disa me vetëm një këmbë në tokë, disa të balancuar mbi pesha, e të tjerë qëndrojë sipër një kanaçeje birre.

Vetëm mos harroni: ortopedët po shpresojnë që ky trend të vazhdojë. :)