Ish-bashkëshorti i parë i Halle Berry-t, ish-ylli i bejsbollit David Justice, iu rikthye martesës së tij tre-vjeçare me aktoren në një intervistë ku ai zbuloi arsyen e ndarjes dhe nuk është fare ajo që mund të prisnim.
David tha se një nga arsyet e ndarjes ishte sepse Halle nuk donte të “gatuante, pastronte dhe të ishte tradicionale”, diçka që, sipas tij, çdo grua duhet ta bëjë. Pra, ekzistojnë kudo njerëz me të tilla besime!
Megjithatë, ish-sportisti pranoi se marrëdhënia mund të kishte funksionuar po të kishte ditur për terapinë në çift:
“Ndoshta do ta kishim zgjidhur po ta dija këtë gjë.”
David Justice, i cili nuk kishte shumë eksperiencë me lidhjet para Halle Berry-t, thotë se ai ishte një “djalë i Mes-Perëndimit” me bindje të vjetëruara për rolin e gruas në familje dhe në atë kohë, Halle nuk ishte aspak “nënë që gatuante dhe pastronte”. Kjo solli edhe shumë probleme midis tyre, sidomos kur nisën të planifikonin familjen.
Martesa e tyre zgjati nga viti 1993 deri në 1997, periudhë kur Halle ishte e angazhuar në filma dhe seriale të ndryshme, gjë që sipas Justice krijonte shumë largësi mes tyre.
Ai tani është martuar me Rebecca Villalobos dhe ka tre fëmijë, shenjë që ndoshta e ka gjetur gruan "tradicionale" që kërkonte.
Halle Berry nga ana tjetër, përveçse ka vazhduar me karrierën dhe familjen e saj, ju sigurojmë edhe që nuk i është futur ende leckës, fshesës dhe gatimit sepse për t'u dukur kështu në moshën 58-vjeçare, duhet shuuumë punë, por jo në kuzhinë:
View this post on Instagram
