Zawe Ashton dhe Tom Hiddleston janë në pritje të bebit nr. 2! Aktorja e Broadway-t, 40 vjeç dhe ylli i serialit “Loki”, 44 vjeç, janë në pritje të fëmijës së tyre të dytë, siç ka zbuluar Ashton në një njoftim ekskluziv për Vogue.
Më pas, dyshja mori pjesë në premierën britanike të filmit të ri të Tom Hiddleston, “The Life of Chuck”, gjatë festivalit “SXSW” në Londër, ku Zawe shfaqi barkun e rrumbullakosur në tapetin e kuq. Për këtë paraqitje, ajo kishte veshur një fustan elegant në ngjyrë bojëqielli nga Emilia Wickstead.
Çifti, i cili u njoh gjatë bashkëpunimit në shfaqjen teatrale “Betrayal” në vitin 2019, mirëpriti fëmijën e ttë parë në tetor të vitit 2022.
Ata e kanë mbajtur shumë të fshehtë marrëdhënien dhe të rralla janë intervistat, megjithatë, Tom, në mars të 2022-shit, na tregoi qartë e shkurt se është i lumtur.
“Jam shumë i lumtur”, tha aktori fjalëpak në një intervistë për Los Angeles Times, disa muaj pasi çifti kishte konfirmuar zyrtarisht lidhjen.
