Të jesh në këtë vapë në shtëpi, ndërkohë që bën scroll dhe sheh gjithë njerëzit në Instagram që janë duke shijuar diellin dhe detin mund të jetë torturuese, por kemi një mënyrë se si ta heqësh mendjen dhe të mos shpenzosh shumë kohë në telefon: Shiko këta filma/seriale.
“Ballerina”
Vejusha e Zezë të hapë krahun, sepse kemi një vrasëse të re, e cila nuk është as superheroinë. Ana de Armas vjen në rolin e balerinës vrasëse Eve Macarro, e cila ka vendosur të hakmerret ndaj vrasëve të të atit të ndjerë.
“The Life of Chuck”
Ashtu siç sugjeron edhe titulli, ky film flet për jetën e një burri të quajtur Chuck, i luajtur nga Tom Hiddleston dhe përfshin tre periudha të ndryshme të jetës së tij — nga fëmijëria deri në moshën e rritur.
Përveç kastit të mbushur me yje, filmi përfshin edhe një skenë kërcimi 7-minutëshe me Hiddleston, i cili tha për People se filmimi i asaj skene ishte "spontan dhe i hareshëm".
“Ginny & Georgia”, sezoni 3
Nëse ke menduar se ky serial nuk mund të bëhej më i çmendur... po gabon. Georgia është në pritje të gjyqit për vrasje, Ginny përballet me një shtatzëni në adoleshencë dhe marrëdhënia e tyre kalon nëpër uljet dhe ngritjet e zakonshme.
Detajet specifike janë edhe më të çuditshme, por nuk duam të ta prishim surprizën! Nëse po kërkon një aventurë emocionale, ky është seriali i duhur.
“Predator: Killer of Killers”
Nga vikingët te Japonia feudale, ky serial na çon në disa epoka, sepse çdo histori ka grabitqarët e vet. Kjo antologji e animuar kalon nëpër tre periudha kohore, duke përfunduar në Luftën e Dytë Botërore dhe tregon se si “grabitqarët” kanë ardhur në Tokë prej shekujsh për të provuar aftësitë e tyre nëpërmjet luftës.
“Stick”
Stick ka qenë profesionist në golf. Karriera e tij përfundoi pas një shpërthimi të rëndë emocional që ndodhi në publik gjatë një loje. Kur njeh një adoleshent amator që ai beson se ka potencial, Stick rigjen pasionin dhe përkushtimin për ta trajnuar atë drejt një gare të rëndësishme, por gjërat nuk janë aq të thjeshta sa ç’mund t’i mendosh.
Artikuj të sugjeruar:
