Aktorja Sydney Sweeney është krenare për vendimin e saj për të shitur ujin e vaskës për fansat e saj, përmes bashkëpunimit të saj me markën e sapunit “Dr. Squatch”, pavarësisht komenteve të shumta në rrjetet sociale.

Në premierën e filmit të ri “Echo Valley”, aktorja iu përgjigj pyetjes së një gazetari, i cili i tha me shaka: “Po inkurajon burrat të bëjnë dush?”. Ajo iu përgjigj me një buzëqeshje: “Në të vërtetë, po”.

“Është argëtuese kur i shoh njerëzit që të flasin për këtë çështje”, tha aktorja e “Euphoria”, 27 vjeç, referuar komenteve në rrjetet sociale. Ajo e pranoi se ideja për të shitur ujin e vaskës për qëllime marketingu ishte e saj dhe madje, “propozoi” krijimin e një sapuni me “një pikë” nga uji i vaskës së saj.

Ylli i “White Lotus”  njoftoi bashkëpunimin me “Dr. Squatch” gjatë javës së kaluar dhe sapunët “limited edition” janë në shitje për të gjithë fansat e saj.

“Kur fansat fillojnë të kërkojnë ujin tënd të vaskës, mund ose ta injorosh (kërkesën) ose ta kthesh në një sapun,” tha ajo në një deklaratë për shtyp për markën.

“Është e çuditshme në mënyrën më të mirë të mundshme dhe më pëlqen që krijuam diçka që jo vetëm që nuk harrohet lehtë, por edhe ka një aromë fantastike dhe funksionon po aq mirë sa çdo produkt tjetër i “Dr. Squatch”, shtoi Sweeney.

“Shpresoj që kjo t’u hapë sytë burrave për realitetin e produkteve të zakonshme të kujdesit personal dhe t’i shtyjë drejt alternativave natyrale”, përfundoi ajo.

Marka zbuloi se sapuni përmban ekstrakt lëvore pishe dhe rërë eksfoliuese, dhe “përçon esencën e dy vendeve më të mrekullueshme në Tokë: natyrën e egër dhe vaskën e Sydney Sweeney-t.”

Artikuj të sugjeruar: