Pas 22 vitesh nga suksesi i "Freaky Friday", Jamie Lee Curtis dhe Lindsay Lohan janë rikthyer si nënë e bijë në vazhdimin më të ri:"Freakier Friday". Dhe siç nënkupton edhe titulli, gjithçka është edhe më e çuditshme këtë herë.
Në trailerin e sapopublikuar, Anna (Lindsay Lohan) është në përgatitje për dasmën e saj, ndërsa nëna, Tess (Jamie Lee Curtis), është aty për ta ndihmuar. Por gjërat ndërlikohen kur vajza e Anna-s (Julia Butters) nuk shkon mirë me vajzën e partnerit të saj të ardhshëm (Sophia Hammons).
Gjithçka merr një kthesë magjike dhe kaotike kur gjatë një feste beqarie, një fallxhore (Vanessa Bayer) parashikon se “ka ende për të mësuar duke ecur në rrugën e njëra-tjetrës.” Dhe po, një rrufe tjetër godet – shkëmbimi i trupave ndodh përsëri. Vetëm se këtë herë nuk janë dy, por katër persona që ndodhen të bllokuar në trupin e gabuar.
Anna dhe vajza e saj ndërrojnë trupat me njëra-tjetrën, dhe po ashtu ndodh edhe me Tess dhe Lily, vajzën tjetër adoleshente. Kjo sjell një varg situatash komike dhe emocionale, që do të testojnë kufijtë e familjes dhe mirëkuptimit mes brezave.
Për më shumë dramë? Vajzat vendosin të “ndajnë prindërit” dhe të ribashkojnë Anna-n me dashurinë e saj të parë – Jake, që do të luhet sërish nga Chad Michael Murray, i cili rikthehet me një hyrje epike me motor.
Çfarë dimë deri tani për filmin?
- Regjisore është Nisha Ganatra dhe filmi është bazuar në librin klasik "Freaky Friday" të Mary Rodgers.
- Përveç Curtis dhe Lohan, në film luajnë edhe Julia Butters, Sophia Hammons, Rosalind Chao, Vanessa Bayer dhe Mark Harmon.
- Fansat me sy të mprehtë kanë vënë re një paraqitje të shkurtër të Elaine Hendrix (nga The Parent Trap) në një skenë të shkurtër.
- Chad Michael Murray rikthehet si Jake, ndërsa grupi legjendar Pink Slip konfirmohet që do të ribashkohet!
"Freakier Friday" do të publikohet më 8 gusht 2025.
Artikuj të sugjeruar:
Burimi: Deadline
